+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Túrkııadaǵy qazaqtardyń kishi quryltaıy: Mustafa Óztúrik saıabaǵy ashyldy

2021 jylǵy 23 qyrkúıek 19:50
Bólisińiz:
Túrkııadaǵy qazaqtardyń kishi quryltaıy: Mustafa Óztúrik saıabaǵy ashyldy

NUR-SULTAN. QazAqparat - Búgin Túrkııada (Ystanbul qalasy) Qazaqstan Táýelsizdiginiń 30 jyldyǵyna oraı «Jahandaný órkenıetindegi qazaq álemi» taqyrybynda Qazaqtardyń kishi quryltaıy ótti.

Uqsas jańalyqtar

Kishi Quryltaıdy QR Aqparat jáne qoǵamdyq damý mınnıstrliginiń qoldaýymen «Otandastar qory» Dúnıejúzi qazaqtary qaýymdastyǵymen birlesip uıymdastyrdy, dep habarlaıdy QazAqparat.

Qazaqtardyń kishi quryltaıynyń jumysyna Túrkııa men Eýropa elderindegi qazaq qaýymdarynyń, Qazaqstannyń mádenıet mekemeleri men joǵary oqý oryndarynyń 100-den astam ókilderi qatysty.

Shara jumysynyń aıasynda sheteldegi qazaq dıasporalarynyń ózekti máseleleri boıynsha nátıjeli pikir almasý boldy.

Aıta ketý kerek, Kishi quryltaıdyń baǵdarlamasy kóptegen mádenı-aǵartý is-sharalaryn qamtydy.

Ystanbul qalasynyń Baǵdyljar aýdanynda belgili sportshy Mustafa Óztúrik atyndaǵy saıabaqtyń ashylý saltanaty ótti.

Kishi quryltaıǵa qatysýshylar úshin qazaqstandyq mýzeıler men joǵary oqý oryndary «Altyn tamyrly Atajurt» kórme, sondaı-aq Túrkııadaǵy qazaq dıasporasynyń jastary úshin «Bilim kórmesiniń» tusaýkeseri uıymdastyryldy.

Sonymen qatar, sheteldik isker qazaq qaýymdastyǵymen kezdesý barysynda «Alystaǵy aǵaıyn» derekti fılmi kórsetildi.

Kazaqtardyń kishi quryltaıy is-sharalar baǵdarlamasy aıasynda Qaraǵandy oblysynan kelgen Táttimbet Qazanǵapuly atyndaǵy Akademııalyq qazaq halyq aspaptar orkestriniń qatysýymen gala-kontsert uıymdastyryldy.

Іs-sharanyń qorytyndysy boıynsha qazaqstandyq tarap Kishi quryltaıǵa qatysýshylarǵa Qazaq eliniń mádenıeti, tarıhy, Qazaqstandaǵy qazirgi ómir týraly ádebıetterdi syıǵa tartty.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT