+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Túrkııada jańa Konstıtýtsııa qabyldaý máselesi qarastyrylyp jatyr

2021 jylǵy 2 aqpan 19:15
Bólisińiz:
Túrkııada jańa Konstıtýtsııa qabyldaý máselesi qarastyrylyp jatyr

ANKARA. QazAqparat – Túrkııa Respýblıkasynyń Prezıdenti Rejep Taıyp Erdoǵan memlekettiń jańa negizgi zańyn qabyldaý máselesin talqylaýdy bastaý qajet ekenin habarlady.

Uqsas jańalyqtar
Krıshtıaný Ronaldý álemdegi eń kóp aqsha tólenetin fýtbolshyǵa aınaldy Ózbekstanda kópshilik sharalar men jıyndardy ótkizý tártibine ózgeris engizildi Kanar araldarynda atqylaǵan janartaýǵa baılanysty 5 myń adam evakýatsııalandy

Bul týraly túrik kóshbasshysy úkimet otyrysy kezinde málimdedi, dep habarlaıdy QazAqparat «Anadoly» agenttigine silteme jasap.

Túrkııa basshysynyń aıtýynsha, bul protsess jarııa túrde júzege asyrylýy tıis.

Prezıdenttiń sózinshe, jańa konstıtýtsııany talqylaıtyn ýaqyt keldi.

«Biz ony jaqyn arada bastaýymyz múmkin. Bul oqıǵa ashyq túrde júzege asyrylýy tıis. Qorytyndy mátin halyqtyń qaraýyna usynylady», - dep atap ótti Rejep Taıyp Erdoǵan.

Sondaı-aq túrik kóshbasshysy jaqynda bılik ókilderi jańa ózgerister jobasy týraly aqparattardan habardar etetinin aıtty. Onda, negizinen, reformalar paketiniń negizgi mindeti men maqsaty túsindiriledi.

«Eger biz osy taqyrypqa baılanysty seriktesterimiz – Ultshyldyq qozǵalysy partııasymen kelise alsaq, jaqyn arada jańa konstıtýtsııany talqylaýǵa kirisemiz», dep atap ótti túrik basshysy. Biraq, ol naqty neni ózgertý josparlanyp otyrǵanyn túsindirmedi.

2017 jyldyń sáýirinde Túrkııada parlamenttik basqarý júıesinen prezıdenttikke aýysý týraly konstıtýtsııalyq referendým ótip, Rejep Taıyp Erdoǵannyń jaqtastary az ǵana daýys aıyrmashylyǵymen jeńiske jetken bolatyn. Osy reformaǵa sáıkes, Túrkııa prezıdenti memlekettik júıeniń basshysy atanyp, vıtse-prezıdent pen mınıstrlerdi taǵaıyndaý ókilettiligin aldy. Premer-mınıstr qyzmeti joıyldy.

Avtor: Aqjigit Chýkýbaev


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT