Túrkııada koronavırýs juqtyrǵandar sany azaıdy
2022 jylǵy 23 mamyr 17:18

Túrkııada koronavırýs juqtyrǵandar sany azaıdy

ANKARA. QazAqparat – Túrkııada sońǵy táýlikte koronavırýsqa 118 852 test tapsyryldy. Onyń 905-i rastaldy. Myńnan astam patsıent saýyǵyp shyqty, 5 adam kóz jumdy, dep habarlaıdy QazAqparattyń Túrkııadaǵy menshikti tilshisi.

Túrkııanyń densaýlyq saqtaý mınıstri F.Qoja atap ótkendeı, Túrkııa, álemniń kóptegen elderi sııaqty, koronavırýs ınfektsııasymen kúresti jalǵastyrýda jáne búgingi kúnde úlken jetistikterge jetti. Osyndaı oń dınamıka saqtalsa, qazirgi kezdegi koronavırýsqa qarsy shekteýlerdi alyp tastaý yqtımaldyǵy joǵary.

«Biz kópten kútken kún de keldi. Bir táýlikte koronavırýsqa shaldyqqandar sany 905 adamǵa deıin tómendedi. Eger úsh kún boıy aýrý juqtyrǵandardyń sany myńnan az bolsa, qoǵamdyq kólikte betperde taǵý mindettelmeıdi, erikti túrde bolady», - dedi Túrkııa mınıstri.
Buǵan deıin Túrkııa bıligi eldegi barlyq koronavırýsqa qarsy shekteýler aýrý juqtyrýshylardyń kúndelikti sany myńnan tómen bolǵan kezde joıylýy múmkin dep málimdegen bolatyn. Saqtyq sharalarynyń negizgi bóligi osy jyldyń naýryz aıynda toqtatyldy. Al sáýir aıynyń sońynda tek medıtsınalyq mekemelerde jáne qoǵamdyq kólikterde ǵana maskalyq rejımdi saqtaý týraly sheshim qabyldandy. Bul rette mamandar 65 jastan asqan jáne sozylmaly aýrýlary bar adamdarǵa halyq kóp jınalatyn jerlerde maska taǵýdan bas tartpaýdy usyndy.


Avtor: Akjigit Chýkýbaev


Uqsas jańalyqtar

Jańalyqtar

MURAǴAT