+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Túrkııada Qazaqstannyń Táýelsizdik kúni toılandy

2019 jylǵy 12 jeltoqsan 18:35
Bólisińiz:
Túrkııada Qazaqstannyń Táýelsizdik kúni toılandy

ANKARA. QazAqparat - Túrkııa astanasy Ankarada Qazaqstan Respýblıkasynyń Táýelsizdik kúni toılandy, dep habarlaıdy QazAqparat tilshisi.

Qazaqstannyń Túrkııadaǵy Elshiliginiń uıymdastyrýymen ótken resmı qabyldaýǵa Túrkııa Uly Ulttyq májilisi tóraǵasy Mustafa Shentop, burynǵy mınıstrler, elshiler, ınvestorlar, dıplomatııalyq mıssııa, zııaly qaýym, isker top, dıaspora men BAQ ókilderi qatysty.

Resmı qabyldaý aldynda kelýshilerge Qazaqstannan arnaıy jetkizilgen Kazbeef markaly eti tanystyryldy. Ony túriktiń áıgili azpazshysy, ScarlEt Steakhouse ıesi Súleımen Dılek ázirlep, qonaqtarǵa usyndy.

Saltanatty jıyndy ashqan Qazaqstannyń Túrkııadaǵy Tótenshe jáne ókiletti Elshisi Abzal Saparbekuly jınalǵan qaýymdy qasterli mereke - Táýelsizdik kúnimen quttyqtady.

Egemendigimizdiń 28 jyldyǵynda Qazaqstannyń jetken jetistikterine toqtalǵan Elshi A.Saparbekuly baýyrlas Túrkııanyń árdaıym kórsetken qoldaýyn atap ótti. Qazaqstan Elshisi Elbasy N.Nazarbaevqa Túrkııa Prezıdenti R.T.Erdoǵannyń bastamasymen Túrki keńesi qurmetti tóraǵasy ataǵy berilgendigin eske saldy. Prezıdentimiz Q-J.Toqaevtyń qoǵamnyń demokratııalyq quqyqtary men qaýipsizdigin saqtaý, halyqpen tıimdi keri baılanys ornatý, saıası reformalar, ulttyq kodty qalyptastyrý jumystaryn jalǵastyrý, kóp vektorly jáne teńgerimdi syrtqy saıasat jáne jastardy bılikke tartý sekildi saıası basymdyqtaryna nazar aýdaryp, A.Saparbekuly jýyrda Qazaqstan Premer-mınıstri A.Mamınniń Túrkııaǵa jasaǵan sapary týraly áńgimeledi. Táýelsizdigimizdiń jáne baýyrlas qazaq-túrik yntymaqtastyǵynyń mańyzyna toqtalǵan Elshi sózin babalarymyzdyń «Birlik bolmaı – tirlik bolmas» maqalymen támamdady.

Aıtýly keshtiń ashylý saltanatynda resmı Túrkııa atynan qatysqan TR Parlamentiniń tóraǵasy Mustafa Shentop Qazaqstan Táýelsizdiginiń 28 jyldyǵymen quttyqtady.

«Túrkııa Qazaqstannyń Táýelsizdigin moıyndaǵan alǵashqy memleket bolǵanyn árdaıym maqtan tutady. Elderimiz arasyndaǵy qarym-qatynastar biz úshin óte mańyzdy. Alǵa qoıylǵan 10 mlrd dollarlyq saýda aınalymy mejesine jetý úshin qyrýar jumys atqarylýda. Qazaqstannyń qýanyshy - bizdiń de qýanyshymyz», - dedi ol.

Sondaı-aq alqaly keshte Mustafa Shentop Elshi Abzal Saparbekulyna Elbasy Nursultan Nazarbaevqa berilgen Túrki álemi jazýshylar jáne ónerpazdar qorynyń «19 mamyr Túrki álemi jańǵyrýy marapatyn» tabystady.

Resmı qabyldaý Nur-Sultan qalasy ákimdigi Memlekettik akademııalyq fılarmonııasynyń Qazaq orkestri men «Qorqyt ata» kóne aspaptar saz tobynyń kontsertine ulasty jáne qazaqtyń ulttyq taǵamdary qoıyldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT