+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Túrkitildes elder televızııa jobalaryn almasatyn onlaın platforma qurý qajet – Lázzat Tanysbaı

2021 jylǵy 15 qyrkúıek 14:10
Bólisińiz:
Túrkitildes elder televızııa jobalaryn almasatyn onlaın platforma qurý qajet – Lázzat Tanysbaı

NUR-SULTAN. QazAqparat – «Qazaqstan» teleradıokorporatsııasynyń basqarma tóraǵasy Lázzat Tanysbaı túrkitildes elder televızııalyq jobalaryn tegin almasýy qajettigin aıtty, dep habarlaıdy QazAqparat tilshisi.

Uqsas jańalyqtar
Shetelde qazaqtildi qansha BAQ jumys isteıdi Nurtóre Júsip sheteldegi qazaqtildi BAQ qaýymdastyǵynyń tóraǵasy bolyp taǵaıyndaldy Shetelde qazaqsha shyǵatyn BAQ assotsıatsııasy quryldy

«Korporatsııa jylyna 200-ge jýyq bólimnen turatyn telehıkaıalar túsiredi, biz naryqqa jylyna 15-16 serıal usynyp otyrmyz. Qazirgi ýaqytta «Qorqyt ata» serıalyna daıyndyq jumystaryn bastadyq, bul telehıkaıany kúlli túrki álemine ortaq ónim etip jasaý, sizderdiń de arnalaryńyzǵa usyný oıda bar. Bul baǵytta ortaq jobany júzege asyrý úshin birlesken jumys jasap, sizderdiń elderińizde túsirilim jasap, ortaq serıal jasaýǵa nıettimiz. Sebebi bizdiń Qorqyt ata bárimizdiń tarıhymyzda bolǵan ortaq tulǵa, sondyqtan osy jobaǵa atsalyssańyzdar degen naqty usynysymyz bar», - dedi Lázzat Tanysbaı XVII Eýrazııa medıaforýmynda «Túrkitildes elderdiń buqaralyq aqparat quraldary» atty dóńgelek ústelde.

Telekorporatsııa basshysy túrkitildes elder óndirgen televızııalyq tarıhı jobalarmen almasý alańyn qurýdy usyndy.

«Jyl saıyn bizdiń jáne sizderdiń telearnalarda mádenı-tarıhı baǵyttaǵy kóptegen jańa ónim daıyndaımyz. Solardy almasyp turý úshin ortaq serıaldardyń onlaın platformasyn nemese ortaq aqparattyq servıs qurýdy usynamyz. ıAǵnı, ol jerge kez kelgen telearna óziniń daıyndap jatqan jańa ónimin tanystyrý úshin ańdatpalaryn júkteı alady. Al qyzyǵýshylyq tanytqan memlekettiń telearnasy ony tegin alýyna múmkindik jasaýymyz kerek. Bul ortaq tarıhymyzdy ár eldiń ana tilinde kórsetýge múmkindik bolar edi, bul júıeni telejobalar óndirisine ıdeıa alatyn franshızalyq alań retinde de paıdalanýǵa bolady», - dedi koroporatsııa basshysy.

Sonymen birge, L. Tanysbaı birtutas túrki tarıhyn kórsetetin anımatsııalyq jobalar óńdeýge de qatysty usynys bildirdi.

«Qazirgi ýaqytta «Qazaqstan» korporatsııasy bul salada birqatar tabystarǵa qol jetkizdi, ónimderimiz syrtqy naryqqa shyǵyp jatyr. Korporatsııa quramyndaǵy «Balapan» telearnasy anımatsııanyń damýyna eleýli úles qosyp keledi. Onda jylyna 250-300 bólimdi quraıtyn 20-25 anımatsııalyq týyndy shyǵaryp otyrmyz», - dedi Lázzat Tanysbaı.

Aıta keteıik, XVII Eýrazııa medıaforýmynyń «Túrkitildes elderdiń BAQ-y. Qazirgi jaǵdaıda yntymaqtastyqty damytý» dóńgelek ústeline Halyqaralyq Túrki akademııasynyń vıtse-prezıdenti F.Madjıdlı, «Qazaqstan» teleradıokorporatsııasynyń basqarma tóraǵasy L.Tanysbaı, Ázirbaıjan telejúrgizýshisi T. Abbasov, Vengrııanyń «Dýna» telekompanııasynyń dırektory I.Palffı-Orban, Qyrǵyzstan «Kabar» agenttiginiń dırektory K.Taabaldıev, Ózbekstan Ulttyq teleradıokompanııasynyń tóraǵasy A.Hadjaev qatysyp jatyr.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT