+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

Túrkistanǵa arnalǵan qos baıqaýdyń jeńimpazdary anyqtaldy

2019 jylǵy 13 jeltoqsan 14:15
Bólisińiz:
Túrkistanǵa arnalǵan qos baıqaýdyń jeńimpazdary anyqtaldy

TÚRKІSTAN. QazAqparat - Túrkistan oblysynda «Túrkistan – Er Túriktiń besigi ǵoı...» respýblıkalyq ádebı baıqaýynyń jáne «Túrkistandy birge túleteıik» shyǵarmashylyq baıqaýynyń jeńimpazdary marapattaldy, dep habarlaıdy QazAqparat.

Uqsas jańalyqtar
«Túrkistanda jerlengen handar men sultandar» kitaby tanystyryldy Oralbaı Ábdikárimov: Tarıhı sananyń tamyry tereńde Áldıbastaý áýlıesi

Atalmysh baıqaýlarǵa respýblıkamyzdyń barlyq óńirinen 100-den asa qalamger men áleýmettik jeli qoldanýshylary qatysyp, baǵyn synady.

Marapattaý rásimin oblystyq Qoǵamdyq damý basqarmasynyń basshysy Damır Júnisov ashyp berdi. «Mundaı baıqaýlardyń ótýi – rýhanııat salasyna úlken serpilis alyp keledi. Baıqaýǵa túsken tyń týyndylar, mańyzdy málimetter arqyly Túrkistannyń tarıhyn óskeleń urpaqqa jańasha baǵytta nasıhattaı alamyz», - degen ol, qatysýshylarǵa alǵysyn bildirdi. Túrki elderiniń rýhanı astanasy, jas oblys ortalyǵy – Túrkistan qalasynyń tereń tarıhyn jyrlaý, shyǵarmashyl jandardyń týyndysyna serpin berip, olardyń tyń dúnıelerin nasıhattaý maqsatynda uıymdastyrylǵan «Túrkistan – Er Túriktiń besigi ǵoı...» respýblıkalyq ádebı baıqaýy poezııa jáne proza janrlary boıynsha ótti.

Qazylar alqasynyń sheshimimen taqyrypty tereńinen tolǵap, otty shyǵarmalarymen erekshelengen Qyzylorda oblysynyń týmasy Tolybaı Abylaev bas júldege ıe boldy. Júldeli 1-oryn Qaraǵandy qalasynan qatysqan Janat Jańqashulyna berilse, túrkistandyq Batyrhan Sársenhan 2-oryn, Qostanaı oblysynan Aqylbek Shaıahmet 3-oryndy qanjyǵasyna baılady. Mańǵystaý oblysynan Asylbek Jańbyrbaı, kókshetaýlyq Qýanysh Ospan, Nur-Sultan qalasynan qatysqan Oljas Qasym jáne Túrkistan oblysynan Aıdar Seıdázim men Dáýren Tileýhanǵa yntalandyrý syılyqtary tabystaldy.

Baıqaýǵa aqyn, QR Eńbek sińirgen qaıratkeri Qasymhan Begman, aqyn, Qazaqstan Jazýshylar odaǵynyń Túrkistan oblystyq fılıalynyń tóraǵasy Álibek Shegebaı, belgili jazýshy Esqara Toqtasyn qazylyq etti.

Al Túrkistan qalasyn damytýdyń keshendi josparlary men ońtaıly ózgeristerin keń kólemde nasıhattaý maqsatynda jarııalanǵan «Túrkistandy birge túleteıik» shyǵarmashylyq baıqaýyna 20-dan asa áleýmettik jeli belsendileri qatysýǵa nıet bildirgen bolatyn. «Aıqyn» gazetiniń Túrkistan oblysyndaǵy menshikti tilshisi Telman Beısen, belgili jýrnalıst Baýyrjan Berdimuratov, qalalyq «Túrkistan» gazetiniń bas redaktory Málik Álmahan qazylyq jasaǵan baıqaýdyń «Áleýmettik jelidegi jarııalanymdar» atalymy boıynsha 1-orynǵa belgili jýrnalıst, «ıÝjnyı Kazahstan» gazetiniń bas redaktorynyń orynbasary qyzmetin atqarǵan, marqum Keńesbaı Ismaılovtyń jumystary laıyq dep tanylyp, júldesi uly Seıdýlla Keńesbekulyna tabystaldy. 2-oryn Imanqulova Nesibeli Ǵaıbýllaqyzyna, 3-oryn Shorabekova Jansaıa Ábdiáliqyzyna buıyrdy. Al, yntalandyrý syılyqtarymen Dáýren Bolys, Prıvalov Vladımır marapattaldy. «You Tube kanalyndaǵy ımıdjdik beıne túsirilim» atalymy boıynsha 1-oryn Beıbit Qazybekovke berildi.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT