Túrkistandyq polıtseıler turǵynnyń kóliginen 1 keliden astam esirtki tapty
2022 jylǵy 30 maýsym 04:34

Túrkistandyq polıtseıler turǵynnyń kóliginen 1 keliden astam esirtki tapty

TÚRKІSTAN. QazAqparat - Túrkistan oblysynyń polıtsııa qyzmetkerleri «Qarasora» jedel-profılaktıkalyq sharasyn uıymdastyryp, turǵyndardyń birinen 1 keliden astam esirtki tárkiledi, dep habarlaıdy QazAqparat.

Saıram aýdandyq polıtsııa bólimine turǵyndardyń biri habarlasyp, kóshede júris-turysy kúmándi er adamnyń júrgenin aıtady. Habar alysymen tártip saqshylary oqıǵa ornyna birden jetti.

«Polıtseıler atalmysh azamattyń avtokólik ishinde otyrǵanyn anyqtap, odan surastyrý jumystaryn júrgizdi. Onyń ózin jáne kóligin tintý kezinde, kóliktiń artqy oryndyǵynan polıetılendi paketke oralǵan esirtki zatyna uqsas zat tapty. Ony polıtseıler aıǵaqty zat retinde tárkilep, saraptama taǵaıyndady. Nátıjesinde ol salmaǵy 1 keliden astam marıhýana bolyp shyqty», - dep jazdy vedomstvodan.

Qazirgi tańda sezikti qamaýǵa alynyp, oǵan qatysty tergeý amaldary júrgizilýde. Atalǵan jaıtty polıtsııa qyzmetkerleri QK-tiń 296-baby - esirtki, psıhotroptyq zattarmen, sol tektestermen, prekýsorlarmen ótkizý maqsatynsyz zańsyz jumys isteý boıynsha tirkeýge aldy.



Uqsas jańalyqtar
Qaraǵandy turǵyny kólik jýý ǵımaratyn marıhýana saqtaıtyn qoımaǵa aınaldyrǵan
2022 jylǵy 10 tamyz 16:48

Qaraǵandy turǵyny kólik jýý ǵımaratyn marıhýana saqtaıtyn qoımaǵa aınaldyrǵan

QARAǴANDY. QazAqparat – Qaraǵandy oblysynda 24 kg gashısh pen 200 kg marıhýana tárkilendi. Esirtki satýshy óziniń «isin» dóńgeletý úshin kólik jýýǵa arnalǵan úı-jaıdy jalǵa alǵan, dep habarlaıdy QazAqparat tilshisi.

Qaraǵandy oblysy PD esirtki bıznesine qarsy is-qımyl basqarmasynyń bólimsheleri óńirge esirtki partııalarynyń túsý arnalaryn anyqtaý jáne jolyn kesý boıynsha turaqty negizde arnaıy shara ótkizip jatyr.

Jýyrda Qaraǵandy PB esirtki qylmysyna qarsy is-qımyl bólimine belgili bir qala turǵynynyń marıhýanany saqtaýǵa qatysy bar ekendigi týraly aqparat kelip túsken.

Muqııat daıyndalǵan arnaıy operatsııa barysynda polıtsııa qyzmetkerleri qala aýdandarynyń birinde 37 jastaǵy júrgizýshiniń basqarýyndaǵy kólikti ustady.

Osy kólik quralynyń salonyn tekserý kezinde tórt kishkene orama, al artqy oryndyqtan ósimdik tektes zat salynǵan on túıir taýyp alǵan.

Saraptama qorytyndysyna sáıkes tárkilengen zattar salmaǵy 275 gr gashısh jáne salmaǵy 9,8 kg keptirilgen marıhýana ekeni anyqtaldy.

«Ustalǵan adamnyń kólik jýý jáne shınomontaj ǵımaratyn jalǵa alatyny anyqtaldy. Osy obektilerdi tintý barysynda ósimdik tektes zaty bar toǵyz qap jáne qara qońyr tústi zaty bar úsh qap tabyldy. Saraptama qorytyndysyna sáıkes bul zattar - salmaǵy 23,6 kg gashısh jáne salmaǵy 190,1 kg keptirilgen marıhýana. Kúdikti ýaqytsha ustaý ızolıatoryna qamaldy. Tergeý sharalary júrip jatyr», - dep málimdedi oblystyq PD bastyǵynyń orynbasary Ábil Ábildın.






Vıdeodan alyn ǵ an kadr

Qylmystyq top Shyǵys Qazaqstan men Almaty oblystarynda esirtki satyp kelgen
2022 jylǵy 10 tamyz 04:09

Qylmystyq top Shyǵys Qazaqstan men Almaty oblystarynda esirtki satyp kelgen

ÓSKEMEN. QazAqparat – Shyǵys Qazaqstan men Almaty oblystarynda esirtki saýdasymen aınalysqan 6 adam sottaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, ótken jyldyń jazynda polıtseıler Shyǵys Qazaqstan men Almaty oblysyndaǵy iri esirtki arnasynyń jolyn kesý boıynsha keń aýqymdy arnaıy operatsııa júrgizdi.

Bir aı ishinde qylmystyq toptyń barlyq alty múshesi ustaldy. Qazirgi ýaqytta sot úkimimen olar 10 jyldan astam merzimge bas bostandyǵynan aıyryldy.

«Qylmyskerler árdaıym jaldamaly páterlerdi aýystyryp otyrǵan. Esirtki saýdasymen aınalysqan toptyń ár múshesinde ózine júktelgen mindeti boldy. Máselen, bireý jetkizý úshin jaýap berse, endi biri esirtkiniń dozasyn ólshep, keıinnen qala boıynsha arnaıy oryndarǵa jasyryp ketip júrdi. Tintý barysynda satýǵa daıyn shamamen 10 keli sıntetıkalyq esirtki tárkilendi. Bul shamamen 100 000 birrettik dozaǵa teń», - delingen aqparatta.

Endi olardyń barlyǵy qaýipsizdigi ortasha jáne joǵary túzetý mekemelerinde óz jazalaryn óteıtin bolady.


SQO túrmesine sálemdeme arqyly «tramadol» men telefon kirgizilmek boldy
2022 jylǵy 10 tamyz 03:22

SQO túrmesine sálemdeme arqyly «tramadol» men telefon kirgizilmek boldy

PETROPAVL. QazAqparat – Soltústik Qazaqstan oblysynda sottalýshyǵa arnalǵan sálemdemeden «tramadol» tabletkalary, uıaly telefon men esirtkige uqsas zat tabyldy, dep habarlaıdy QazAqparat tilshisi.

SQO boıynsha qylmystyq-atqarý júıesi departamenti baspasóz qyzmetiniń málimetinshe, óńirdegi ES-164/8 túzetý mekemesine tyıym salynǵan zattar ótkizilmek boldy. Sottalýshylardyń birine arnalǵan sálemdeme mekeme qyzmetkerleriniń kúdigin týdyrǵan. Tekserý kezinde eki shaǵyn termostan «tramadol» sıntetıkalyq analgetıktiń 20 tabletkasy, «ALTEL» jáne «Tele2» operatorlarynyń eki sim kartasy bar «Nokia» telefony, USB kabeli shyqqan. Sondaı-aq esirtkige uqsas belgisiz zat tabyldy. Mamandar ony anyqtaý úshin saraptamaǵa jiberdi.

Eger zat shyn máninde esirtki bolyp shyqsa, sálemdemeni jiberýshi QR QK-niń 297-baby («Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý») boıynsha qylmystyq jaýapkershilikke tartylady. Múlki tárkilenip, bes jyldan on jylǵa deıingi merzimge bas bostandyǵynan aıyrylýy múmkin.

Shamamen bir apta buryn osy ES-164/8 mekemesine sottalýshynyń týysy smartfondy shokolad arasyna jasyryp kirgizbek bolǵan edi. Ákimshilik quqyq buzýshylyq boıynsha hattama toltyrylyp, materıaldar sheshim shyǵarý úshin sotqa berildi.


Jańalyqtar

Úrdis

MURAǴAT