Túrkistandyq ónerpazdar «Melotime» respýblıkalyq baıqaýynda júldeger atandy

TÚRKІSTAN. QazAqparat – Túrkistan oblysynyń ónerpazdary «Melotime» respýblıkalyq baıqaýynda júldeger atandy. Án óńdeýshiler arasynda ótken saıysqa 26 úmitker qatysyp, baq synaǵan bolatyn, dep habarlaıdy QazAqparat tilshisi.

Uqsas jańalyqtar

Elordada entýzıaster prodıýsersiz, bıýdjetsiz krımınaldyq drama túsirdi

Nıý-Iork konkýrsynda qazaqstandyq akter úzdik dep tanyldy Astanada Fedor Dostoevskııdiń «Uldar» dramasynyń premerasy ótti 95 jyldyq mereıtoı: Elimizdiń tuńǵysh teatryna «ulttyq» mártebe berildi

Baıqaý mýzykanttardyń kásibı sheberligin jetildirý men án óńdeýshilerge shyǵarmashylyq qoldaý kórsetý, án óneriniń jetistikterin jańǵyrtý men nasıhattaý maqsatynda uıymdastyryldy.

Mádenı qarym-qatynasty jáne ózara básekelestikti damytý men yrǵaqty, mazmuny tereń sapaly jańa ánder qoryn baıytý baǵytynda ótkizildi.

Atalǵan óner saıysyna ońtústik óńirinen shyqqan óner ıeleri de qatysty. Úmitkerlerdiń jumystaryn elimizge belgili Rınat Gaısın, Qaırat Baekenov pen Erlan Bekchýrın syndy kásibı mamandardan quralǵan qazylar alqasy baǵalady.

Saıystyń qortyndysyna sáıkes bas júldeni Nur-Sultan qalasynan Nurlybek Amanov «Dombyra týraly ballada» atty shyǵarmasymen jeńip alsa, shymkenttik Mádı Aıjanov «Aınaldym elim» atty týyndysymen І orynnan kórindi.

Shymkent qalasynan qatysqan Іzbasar Keńesovtiń «El ana, jer ana» atty shyǵarmasy ІІ orynǵa laıyq dep sheshildi.

Al, Nur-Sultan qalasynyń ónerpazy Danııar Otarchınov «Qarańǵy túnde taý qalǵyp» ánin, Arys qalasynan Shahızında Alımbetov «Qýanyshym meniń» áýenin óńdep ІІІ orynnan kórindi.

Sondaı-aq, Nur-Sultan kalasynyń ónerpazy Erjan Qorǵanbek «Bárinen de sen sulý» ánimen, Otyrar aýdanynan Ǵalymjan Sartabaev «Kók kóldegi keshter-aı» ánimen, shymkenttik Aıteke Kóptileý «Alys arman» ánimen dıplomant atandy.