Túrkistandaǵy sý tasqyny: Oblystyq mańyzy bar 10-nan asa jol búlindi
2023 jylǵy 3 aqpan, 18:12
TÚRKІSTAN. QazAqparat- Túrkistan oblysyndaǵy sý tasqynynan oblystyq mańyzy bar 10-nan astam avtojol zaqymdaldy, dep habarlaıdy QazAqparat tilshisi.
Atap aıtqanda, Saýran aýdanyndaǵy Shornaq-Qarnaq (KH-58), Kentaý-Aysaı (KH-56), Kentaý-Túrkistan áýejaı (KH-61), Báıdibek aýdanyndaǵy Shaıan-Myńbulaq (KH-3), Shaıan-Aǵybet-Shaqpaq (KH-5), Shaıan - Sholaqqorǵan (KH-2), Sozaq aýdanyndaǵy Sholaqqorǵan-Shaıan (KH-2), Arys aýdanyndaǵy Shardara-Arys (KH-8), Saryaǵash aýdanyndaǵy Jylǵa-Álimtaý (KH-55), Keles aýdanyndaǵy Abaı-Bozaı (KH-94) jáne Bozaı-Bekbota baǵytyndaǵy (KH-108) oblystyq mańyzy bar avtomobıl joldarynyń bir bóligin sý shaıyp ketken.
«Qazirgi tańda, Túrkistan oblysynyń jolaýshylar kóligi jáne avtomobıl joldary basqarmasy jáne «Ońtústik joldary» MKK tarapynan zaqymdalǵan joldardy qalpyna keltirý jumystary bastalyp, joldarǵa qajetti materıaldar jetkizilýde. Qalpyna keltirý jumystary júrgizilýde»-delingen oblystyq jolaýshylar kóligi jáne avtomobıl joldary basqarmasy habarlamasynda.
Foto: Túrkistan oblysynyń jolaýshylar kóligi jáne avtomobıl joldary basqarmasy
Tegı:
Sondaı-aq... oqyńyz
Seriktester jańalyqtary
TOP
