Valıýta baǵamdary:
    usd/kzt 470.34 eur/kzt 490.47

    rub/kzt 8.98 cny/kzt 70.25
Aýa raıy:
Nur-Sultan: 1 °S
Almaty: 15 °S

Túrkistanda jaýapqa tartylǵan 30 kóliktiń 3 mln-ǵa tarta aıyppuly bar

2022 jylǵy 19 mamyr 16:18

TÚRKІSTAN. QazAqparat - Túrkistan oblysynda mamyr aıynyń birinshi aptasynda iske qosylǵan «Qorǵaý-Qaýipti júrgizýshi» baǵdarlamasymen aıyppuldaryn tólemeı júrgen, jol erejesin óreskel buzǵan júrgizýshiler der kezinde anyqtalýda, dep habarlaıdy QazAqparat.

Aımaqtaǵy polıtseıler jańa baǵdarlama qosylǵannan beri jol erejesin buzǵan 200-ge jýyq avtokólikti anyqtady. Onyń ishinde jalǵan nómirmen júrgen «Toyota Land Cruiser» kóligi men aıyppuly 3 mıllıon teńgege jýyq 30-ǵa tarta avtokólik bar.

«Al qalǵan júrgizýshiler jol qozǵalysy erejesine qatysty túrli quqyqbuzýshylyqtar jasaǵany úshin jaýapqa tartyldy. Barlyq kólikter aıypturaqqa jetkizildi. Qoldanysqa engizilgen baǵdarlamamen Túrkistan QPB patrýldik polıtsııa qyzmetkerleri reıdtik-profılaktıkalyq sharalardy kúndelikti atqarýda», - dep jazdy vedomstvodan.

Departament habarlamasynda kúni keshe B.Sattarhanov pen Ámir Temir kósheleriniń qıylysynda turǵan polıtseıdiń planshetine Jedel basqarý ortalyǵynan B.Sattarhanov kóshesinde kele jatqan esepte joq «VAZ 2104» markaly reseılik kólik týraly aqparat kelip túskeni qamtylǵan. Polıtseı dabyl boıynsha birden áreket etip, kólikti toqtatty. Qujattaryn tekserý kezinde reseılik kóliktiń Reseı Federatsııasy esebinen shyǵarylǵany anyqtaldy. Júrgizýshige ÁQBtK-niń 590-baby «Kólik quraldaryn paıdalaný qaǵıdalaryn buzý» boıynsha hattama toltyrylyp, kóligi sol sátte evakýatordyń kómegimen aıypturaqqa qoıyldy.

«Qorǵaý» júıesi kólikti jalǵan nómirmen basqaratyn júrgizýshilerdi, tehnıkalyq baıqaýdan ótpegen nemese saqtandyrý polısinsiz júrgenderdi birden anyqtaıdy. Olardy ustaý qajettigi týraly aqparat túsken boıda sol aýmaqqa jaqyn júrgen tártip saqshylary qoldaryndaǵy qyzmettik planshetteri arqyly apattyń aldyn alý sharalaryn qabyldaıdy, júrgizýshiniń júrgen orny týraly málimetti kóre alady. Jalpy, jol apatynyń sanyn azaıtý men boldyrmaý maqsatynda jol erejesin óreskel buzýshylardyń anyqtalýy nazardan tys qalyp jatqan joq», - delingen jazbada.


Novostı po teme
Uqsas jańalyqtar