+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Túrkistanda ulttyq tárbıe jáne otbasy qundylyqtary nasıhattaldy

2020 jylǵy 29 qańtar 22:23
Bólisińiz:
Túrkistanda ulttyq tárbıe jáne otbasy qundylyqtary nasıhattaldy

TÚRKІSTAN. QazAqparat – Túrkistanda «Ulttyq tárbıe jáne otbasy qundylyqtary» taqyrybynda orta arnaýly oqý oryndarynyń stýdentterimen kezdesý ótti, dep habarlaıdy QazAqparat tilshisi.

Oblystyq qoǵamdyq damý basqarmasy «Jastar resýrstyq ortalyǵynyń» uıymdastyrýymen ótken basqosýda otbasy qundylyqtary nasıhattalyp, januıada meıirimdi qarym-qatynas ornatý máseleleri sóz boldy.

Kezdesýde sondaı-aq, jastardyń syılastyq pen meıirim týraly túsinikterin keńeıtý men otbasylyq dástúr, januıadaǵy berik jáne úılesimdi qarym-qatynasty qalyptastyrý negizderi jaıynda aıtyldy.


Sharaǵa Túrkistan oblysynyń úzdik ustazy, QR Bilim jáne ǵylym mınıstriniń Qurmet gramotasynyń ıegeri Jaqsygúl Júrsinbaıqyzy, Túrkistan oblysy «Analar keńesiniń» tóraıymy Dúısenkúl Djambýlova, Túrkistan oblysy «Ardagerler keńesiniń» tóraǵasy Jarqynbek Qulbaıymbetov pen akademık A.Qýatbekov atyndaǵy halyqtar dostyǵy ýnıversıtetiniń rektory Rábıǵa Qýatbekova arnaıy qatysyp, ómirlik tájirıbesin jastarmen bólisti.

«Otbasy – adam balasynyń ósip-óner, qanat qaǵar uıasy, altyn besigi. Otbasy – shaǵyn memleket. Sol sebepti otbasynda yntymaq-birlik bolmaýy, erli-zaıyptylar arasyndaǵy kelispeýshilik bala psıhologııasyna keri áser etedi. Sondyqtan ata-ana aldymen balanyń kóńil-kúıine basa nazar aýdarýy qajet»,- dedi Túrkistan oblystyq Qoǵamdyq damý basqarmasy basshysynyń orynbasary Dáýren Sarıev.


Al, «Ardagerler keńesiniń» tóraǵasy Jarqynbek Qulbaıymbetov jastardyń tárbıesi tal besikten bastalatynyn, tálimniń sábıge ana qursaǵynda jatqan shaǵynan beriletinin tilge tıek etti. Sol úshin ul-qyzdarymyzdyń el keleshegine saı ósýine ásirese, jas ata-analardyń róli úlkendigin aıtyp ótti. Ata-ájelerdiń tárbıesine eshqandaı mekteptiń jetpeıtinin jetkizdi. Sondaı-aq, «Analar keńesi» tóraıymy Dúısenkúl Jambýlova jastar tárbıesindegi basty ımmýnıtetimiz - qyzdarymyzdyń náziktigi men uldarymyzdyń bıik namysy ekenine toqtaldy.


Sharada búgingi býynnyń otbasylyq dúnıetanymyn, rýhanı jáne adamgershilik, súıispenshilik qasıetterin, otbasy qundylyqtary men salt-dástúrlerine degen olardyń azamattyq, sanaly qatynastaryn qalyptastyrý, ata-anaǵa degen mahabbat pen qurmet senimderin tárbıeleýge baǵyttalǵan mańyzdy máseleler qaraldy.

Jıyn sonyńda jastardyń kókeıde júrgen suraqtaryna zııaly qaýym ókilderi jaýap berip, erkin formattaǵy oı almasýǵa órbidi.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT