Túrkistanda turǵyndardyń shaǵymyn qabyldaıtyn biryńǵaı baılanys ortalyǵy iske qosyldy

TÚRKІSTAN. QazAqparat – Túrkistan qalasynyń ákimdiginde biryńǵaı baılanys ortalyǵy iske qosyldy. Táýlik boıy turǵyndardyń shaǵymyn qabyldaıtyn 109 qyzmeti zamanaýı tehnıkalarmen jabdyqtalǵan, dep habarlaıdy QazAqparat tilshisi.

Baılanys ortalyǵy operatorlarmen jáne qajetti mamandarmen tolyqqan. Qala ákimdigi bul júıe arqyly jergilikti turǵyndardyń jergilikti atqarýshy organdarǵa kelip, ýaqyt joǵaltpaýynyń aldyn almaq. Sondaı-aq, sybaılas jemqorlyqtyń aldyn almaq. ıAǵnı, qala ákimi men ákimdiktiń áleýmettik jelidegi resmı paraqshalaryna kelip túsken pikirler ishindegi suranym, ótinim men shaǵymdardy atalǵan 109 qyzmeti tirkep otyrady.

Odan ózge, shaǵymdarǵa jaýap berý nátıjesinde ákimdiktiń qyzmetkerlerine, ıaǵnı qala ákimine jáne orynbasarlaryna paıyzdyq kórsetkish beriledi. Ol orynbasarlardyń quziretine kiretin jaýapty bólimderdiń shaǵymdarǵa nazar aýdarýy nátıjesinde belgili bolady. Muny kórýge arnalǵan led-ekran oblys jáne qala ákiminen ózge 109 biryńǵaı baılanys ortalyǵynda jáne arnaıy baǵdarlamada ashyq kórsetilmek.

Aıta keteıik, tehnıkalyq túrde qarasha aıynda iske qosylǵan júıede qazirgi tańda myńnan astam ótinish qabyldanyp, onyń 99 paıyzy sheshimin tapqan.

Qazirde 109 - baılanys ortalyǵynyń Instagram (@turkistan109), Telegram (Turkistan 109) WhatsApp (87071093109), Facebook (Turkistan Bailanys Ortalygy) paraqshalary jáne «Amazing Turkistan» qosymshasynda ashylǵan bólimi ótinimderdi qabyldaýda.