Túrkistanda salynyp jatqan qurylystarǵa oıý-órnekter qoldanylady

TÚRKІSTAN. QazAqparat – Oblys ákimi Ómirzaq Shókeev kezekti ret shahardaǵy qurylys jumystarynyń barysyn baqylady, dep habarlaıdy QazAqparat tilshisi.

Óńir basshysynyń qatań qadaǵalaýymen júrgizilip jatqan mádenı -rýhanı ortalyqtaǵy halyqaralyq deńgeıdegi nysandar álem týrısterin qyzyqtyratyn ári tarıhtan syr shertetin ǵajap ortalyqqa aınalýda. Týrızm salasyn damytýda jan-jaqty jobalar júzege asyp jatqan shaharda ıÝNESKO-nyń qorǵalý aımaǵyndaǵy ǵımarattar salynyp, olar Qoja Ahmet ıAsaýı kesenesiniń bıiktiginen aspaýda. Bul aýmaqtaǵy ǵımarattar men baspanalar ortaazııalyq úlgide boı kóterýde. Sáýletteri kelisken ǵımarattar qazaqy naqyshta, oıý-órnekter qoldanylady. Osylaısha oblys ortalyǵynda erekshe kórik beretin aýqymdy jobalardyń qurylysy jalǵasýda. Solardyń biri de biregeıi – «Kerýen-saraı» kesheni. Jospar boıynsha bul keshen kóne zamannyń ejelgi saýda alańdaryn eske túsiretin úlken shyǵys úlgisindegi grand-bazarǵa aınalady. «Kerýen-saraı» aýmaǵynda qonaqúıler, kınoteatrlar, meıramhanalar, tarıhı-saýda kóshesi men jasandy kólmen qatar, keshenge jaqyn jerde «Kerýen Saraı» turǵyn úı kesheni ornalaspaq. Túrkistanyń jańa kórikti aýmaǵyndaǵy qurylys barysyn oblys ákimi Ómirzaq Shókeev aralap kórip, qurylysshylarmen kezdesti.

Aımaq basshysy jaýapty tulǵalarǵa demalys oryndaryndaǵy balalar alańqaılarynyń sapasy men qaýipsizdigin jiti qadaǵalaýdy júktedi.