+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Túrkistanda Ortalyq Azııadaǵy eń iri týrıstik keshen ashyldy

2021 jylǵy 11 sáýir 09:30
Bólisińiz:
Túrkistanda Ortalyq Azııadaǵy eń iri týrıstik keshen ashyldy

TÚRKІSTAN. QazAqparat - 10 sáýirde Túrkistan qalasynda Ortalyq Azııadaǵy eń iri «Kerýen-saraı» kópfýnktsıonaldy týrıstik kesheniniń ashylý rásimi ótti. QazAqparat bul týraly primeminister.kz saıtyna silteme jasap habarlaıdy.

Uqsas jańalyqtar
Týrızmdi damytýǵa 1 trln teńge ınvestıtsııa tartylady 2025 jylǵa deıin Túrkistanda 26,5 myń páter salynady – Aıdos Úkibaı Túrkistan saparynyń qorytyndysy: Elbasyǵa Kúltóbedegi qalpyna keltirilgen tarıhı nysandar týraly aıtyldy


Investıtsııalyq jobany «Turkistan Tourism City» kompanııasy iske asyrdy, keshen qurylysy 2019 jyly jeltoqsan aıynda bastaldy. Nysan Qoja Ahmet ıAsaýı kesenesine qarama-qarsy «Áziret Sultan» mádenı qoryǵynyń býferlik aımaǵynda 20,5 ga aýmaqta ornalasqan. Munda 4 myńnan astam turaqty jumys orny quryldy.

Keshenge Jibek joly dáýirindegi saýdagerler men qolónershiler kóshesi, «ushatyn teatr», at shoýyn ótkizýge arnalǵan amfıteatr, Shyǵys bazary, saýda sóreleri men býtıkter, qonaq úıler men meıramhanalar, SPA jáne fıtnes-ortalyq, kınoteatr, otbasylyq oıyn-saýyq ortalyǵy kiredi. Bul rette, barlyq qurylymdar sý arnasy arqyly baılanystyrylǵan, onda sýdaǵy «qaıyq sherýi» teatrlandyrylǵan shoý ótkiziledi.

«Kerýen-saraı» kesheniniń Ortalyq Azııada balamasy joq jáne ol Qoja Ahmet ıAsaýı kesenesinen keıin óńirge týrıster men ınvestıtsııalardy tartatyn basty ortalyqqa aınalýy tıis.

«Kerýen-saraı» kesheniniń ashylý saltanatyna Premer-Mınıstr Asqar Mamın, Túrkistan oblysynyń ákimi Ómirzaq Shókeev, Mádenıet jáne sport mınıstri Aqtoty Raıymqulova, sondaı-aq ınvestor kompanııanyń ókili Qýanyshbek Qudaıbergen qatysty.

Sonymen qatar A. Mamın Túrkistandaǵy Qazaq mýzykalyq drama teatryna bardy. Ǵımarattyń jalpy aýdany 11 myń sharshy metrden asady. Bul asa jańa jabdyqtarmen jáne teatr jumysyna qajetti barlyq bólmelermen jabdyqtalǵan zamanaýı keshen. Kórermender zalynyń syıymdylyǵy 510 adamdy quraıdy.


Budan bólek, Úkimet basshysy oblystyq ǵylymı-ámbebap kitaphanamen tanysty. Bul aqparat pen shyǵarmashylyqqa arnalǵan biregeı hab. Ǵımarattyń úsh qabaty oqý zaldary, kovorkıng-ortalyqtary, foto-, beıne- jáne aýdıojazba, kallıgrafııa, qysh óneri stýdııalary, sheberhanalary, onyń ishinde 3D-modelderdi jasaýǵa arnalǵan sheberhanalary, sondaı-aq kınokontsert zaly, kofehanalary, kitap kádesyılary men qoldan jasalǵan buıymdar dúkenderi qamtylǵan zonalarǵa bólingen.

Kitaphananyń ǵylymı-zertteý ortalyǵynda kitap saqtaý qoımasy, sırek kezdesetin kitaptar men kóne zamanǵy qoljazbalardy saqtaýǵa arnalǵan bólim, qujattardy, kitaptardy tsıfrlandyrý jáne konservatsııalaý tsehtary, onyń ishinde Ortalyq Azııadaǵy totyǵýǵa qarsy jabdyqpen jabdyqtalǵan birden-bir tseh bar.

Jumys sapary aıasynda Premer-Mınıstr sondaı-aq Túrkistan qalasynda basqa da ınvestıtsııalyq jobalardyń iske asyrylý barysyn tekserdi.



Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT