+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Túrkistanda muǵalimdi ustap áketken polıtseı qyzmetinen shettetildi

2019 jylǵy 14 jeltoqsan 19:51
Bólisińiz:
Túrkistanda muǵalimdi ustap áketken polıtseı qyzmetinen shettetildi

TÚRKІSTAN. QazAqparat - Túrkistandaǵy №15 mekteptiń muǵalimin ájethana kúzetpegeni úshin ustap áketken qalalyq polıtsııa bóliminiń bastyǵy qyzmetinen shettetildi, dep habarlaıdy QazAqparat oblystyq PD baspasóz qyzmetine silteme jasap.

«13 jeltoqsan kúni Túrkistan qalasyndaǵy orta mektep muǵalimin polıtsııa bólimine jetkizý faktisi boıynsha Іshki ister mınıstri Erlan Turǵymbaevtyń buıryǵymen qalalyq polıtsııa bóliminiń basshylyǵyna qatysty qyzmettik tekserý júrip jatyr. Tergeý kezinde ishki ister organdary qyzmetkerleriniń muǵalimge qatysty is-áreketiniń qanshalyqty zańdylyǵyna baǵa beriledi. Sondaı-aq, Túrkistan qalasy ishki ister basqarmasy bastyǵynyń laýazymyn asyra paıdalaný faktisiniń bar-joǵy anyqtalady» delingen habarlamada.

Oblystyq polıtsııa departamenti basshysynyń buıryǵymen Túrkistan qalalyq polıtsııa basqarmasy bastyǵy Danııar Meıirhan qyzmettik tekserý aıaqtalǵanǵa deıin qyzmetinen shettetildi.

Eske sala keteıik, Túrkistanda Maǵjan Jumabaev atyndaǵy №15 orta mekteptiń muǵalimi Baqyt Keýkenov «ájethana kúzetpegeni úshin» jazyqty bolǵan edi. 31 jyldyq ótili bar ustazdy qalalyq ishki ister bóliminiń bastyǵy, polıtsııa podpolkovnıgi Danııar Meıirhan bastaǵan bir top polıtseı ustap áketken. Mektep dırektory K. Ábdiqadyrovanyń jazýynsha, muǵalim aıaq kıiminen sý ótken soń sony aýystyrý úshin mektep ǵımaratyna kirgen. Alaıda polıtseıler qarsylyq kórsetkenine qaramastan ustazdyń qolyn qaıyryp, bólimshege áketip qalǵan.

Keıin bul jaǵdaıdy estigen Bilim jáne ǵylym mınıstri Ashat Aımaǵambetov muǵalimge arasha tústi.

Búgin mektep muǵalimin «ájethana kúzetpegeni úshin» ustap áketken qalalyq polıtsııa bóliminiń bastyǵy Danııar Meıirhan ustazdan keshirim surady .

Foto: Facebook

Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT