Túrkistanda kún kózinen qýat alatyn mektepter sany artady
2022 jylǵy 5 shilde 19:41

Túrkistanda kún kózinen qýat alatyn mektepter sany artady

TÚRKІSTAN. QazAqparat - Túrkistan qalasyndaǵy Nazarbaev Zııatkerlik mektebinde kúnnen qýat alatyn elektr qondyrǵysy ornatylady, dep habarlaıdy QazAqparat tilshisi.

Bul joba óskeleń urpaqtyń oqýǵa degen qyzyǵýshylyǵyn arttyrýǵa jáne balamaly energııa kózderiniń jańa múmkindikteri jaıynda habardar etýge baǵyttalǵan. Oqýshylardyń ekologııalyq mádenıetin kóterý, tabıǵatqa jaýapkershilikpen qaraýǵa tárbıeleý úshin de mańyzdy.

Joba júzege asqanda oqý orny tutynatyn elektr energııasyn jylyna 30%-ǵa deıin únemdeıdi. Ári oqýshylardyń zerthana ortalyǵyna aınalady.

Búginde Túrkistan óńiri elimiz boıynsha mektep sanynan da, bala týý kórsetkishi boıynsha da kósh bastap keledi. Oblys aýmaǵynda 900-den astam bilim uıasy bar. Osy oraıda jańa jobany aýyldyq jerlerdegi mektepterde de qolǵa alý máselesi qaralýda.

Aıta keteıik, búginge deıin Túrkistan qalasyndaǵy J.Táshenov atyndaǵy №23 IT lıtseıine qýattylyǵy 50 kılovatqa teń kún elektr stantsııasy ornatylǵan.


Foto: www.desktopbackground.org
Uqsas jańalyqtar

Jańalyqtar

Úrdis

MURAǴAT