Túrkistanda kýáligi joq júrgizýshi balany kóligimen qaǵyp mert qyldy

TÚRKІSTAN. QazAqparat – Túrkistanda «Toıota Lend Krýzer» Prado kóligi balany qaǵyp, mert qyldy, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, qaıǵyly jaǵdaı kúndiz saǵat 12:30 shamasynda bolǵan.

Túrkistan qalasynyń turǵyny «Toıota Lend Krýzer Prado» kóligimen jol kólik oqıǵasyn jasap, balany jaraqattanǵan. Aýyr dene jaraqatyn alǵan bala qalalyq aýrýhanaǵa jetkizilip, jansaqtaý bólimine jatqyzyldy. Alaıda dárigerler balany aman alyp qala almady. Ol jansaqtaý bóliminde kóz jumdy.

«Qazirgi tańda osy oqıǵa boıynsha QR Qylmystyq kodeksiniń 345- baby «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha is qozǵalyp, tergeý amaldary júrgizilýde. Tergeý kezinde júrgizýshiniń eshbir qujatsyz kólik tizgindegeni anyqtaldy. Sot-medıtsınalyq saraptamalar taǵaıyndalyp, júrgizýshi qamaýǵa alyndy. Kólik aıyp turaǵyna jetkizilip, polıtseılermen barlyq mán-jaılar tekserilýde», - delingen habarlamady.