+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Túrkistanda qolónershilerdiń kórmesi ótti

2019 jylǵy 2 naýryz 07:28
Bólisińiz:
Túrkistanda qolónershilerdiń kórmesi ótti

TÚRKІSTAN. QazAqparat - Túrkistan qalasynda «Ulttyq qolóner - Uly mura» atty qolóner sheberleriniń kórmesi ótti, dep habarlaıdy QazAqparat tilshisi.

Іs-sharaǵa zııaly qaýym ókilderi, ardagerler, BAQ ókilderi, kórme qonaqtary men barlyq aýdan, qaladan qolóner sheberleri qatysty.

Erekshe kórme ulttyq qolónerdi damytý men qolóner sheberlerine qoldaý kórsetý, sondaı-aq, olardyń jasaǵan buıymdaryn halyq arasynda keńinen nasıhattaý maqsatynda uıymdastyryldy. Jas ári daryndy qolónershilerdi anyqtap, aımaqta týrızmdi damytýǵa yqpal etýge baǵyttaldy. Babadan qalǵan qolónerdi urpaq sanasyna sińirip, kásip retinde damytý úshin ótkizildi. Merekeniń negizgi bóligi «Esimhan» alańynda jalǵasty.

Onda «Ulttyq qolóner» sheberleriniń eńbegin sıpattaıtyn beınerolık kópshilik nazaryna usynyldy. Saltanatty sharada oblys ákiminiń orynbasary Erbol Sadyr jurtshylyqty Alǵys aıtý kúnimen jáne qolóner sheberleriniń kórmesiniń ashylýymen quttyqtady.

«1 Naýryz alǵys aıtý kúnimen shyn júrekten quttyqtaımyn! Kóktemniń alǵashqy kúnimen birge kelgen shýaqty mereke bir-birimizge degen syılastyqty arttyryp, birligimizdi bekemdeı túsedi. Qazaq halqynyń meıirbandyǵyn kórsetetin meıram qutty bolsyn! Túrkistan qalasy kóne zamandardan beri kásipkerlik pen qolónerdiń ortalyǵy bolǵan. Búgingi is-shara arqyly óńirimizdegi úzdik qolóner sheberlerin anyqtap, olarǵa qoldaý kórsetýdi kózdep otyrmyz. Ekinshiden, Túrkistan oblysy úshin týrızm salasynyń orny erekshe. Al týrızm damýy úshin qolónerimiz de damýy tıis. Sondyqtan sheberlerge jaǵdaı jasalyp, shaǵyn kásiporyndar ashylýy qajet», - dedi Erbol Sadyr.

Qolóner kórmesinde zergerlik buıymdar, keramıka, aǵash oıý, bylǵaryny kórkemdep óńdeý, toqyma, kıiz basý jáne ózge de salalar boıynsha úzdik atanǵan sheberlerge arnaıy dıplom men syılyqtar tapsyryldy. Kórme sońy merekelik kontserttik baǵdarlamaǵa ulasty.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT