+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Túrkistanda keıbir qarttardyń zeınetaqysy úılerine ákelip taratylýda

2020 jylǵy 3 sáýir 05:43
Bólisińiz:
Túrkistanda keıbir qarttardyń zeınetaqysy úılerine ákelip taratylýda

TÚRKІSTAN. QazAqparat – Túrkistan oblysynda zeınetkerler kartalarǵa rásimdelip, qarııalarǵa jetkizilýde. Bul týraly Qazposhta AQ oblystyq fılıalynyń dırektory Baqytjan Ysqaq málimdedi, dep habarlaıdy QazAqparat tilshisi.

Baqytjan Ysqaqtyń aıtýynsha, óńirde bul qyzmet túrleri shot arqyly tólemaqylar alyp júrgen úlken qart kisilerge kórsetiledi. Sebebi, qaýipti indet taraǵan kezeńde qyzmetkerler men tutynýshylardyń saýlyǵy bárinen de mańyzdy. Degenmen, poshta qyzmetkerleri óz jumysyn shtattyq rejımde jalǵastyryp jatqanyn aıtady.

«Barlyq qyzmetkerler sanıtarlyq talaptarǵa saı jabdyqtaldy. Basqarma qyzmetkerleri, operatorlar, hat tasýshylar, suryptaýshylar, kólik júrgizýshileri men ınkassatorlardyń barlyǵy derlik betperdeler, qolǵaptar jáne antıseptıktermen qamtyldy. Oblys ortalyǵy men eldimekenderdegi 55 jastan asqan qyzmetkerler óz tańdaýymen demalystarǵa jiberiletin bolady. Múmkindigi shekteýli jáne jasy 80-nen asqan azamattarǵa zeınetaqy men járdemaqylary meken-jaılaryna arnaıy saqtyq kıimmen qamtylǵan mobıldik toppen jetkiziledi. Zeınetaqyny alý ýaqyty bastalǵan kezde turǵyndardy mindetti túrde betperde kıip, saqtyq sharalaryn jasaýǵa shaqyramyz. Azamattar poshtaǵa kelgende keminde 2 metr ara-qashyqtyqty saqtap, sabyrly bolǵany abzal»,- dedi Baqytjan Bekbolatuly.

Aıta keterligi, 2020 jyldyń 1-15 sáýir aralyǵynda Maqtaaral jáne Jetisaı aýdandaryndaǵy poshtanyń jumys kestesine shekteýler engizilgen. ıAǵnı, qyzmet kórsetý tańǵy saǵat 10:00-den 16:00-ge deıin belgilengen. Al, qyzmeti shektelgen eldimekenderdegi bólimshelerge zeınetaqy, men eńbekaqy, járdemaqylar berilý barysynda oblys mamandaryn tartý qarastyrylǵan.


Bizdiń kanalymyzǵa jazylyńyz:

Basty sózder: Túrkistan oblysy, Koronavırýs,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT