+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Túrkistanda isker áıelder forýmy ótti

2019 jylǵy 19 qarasha 12:53
Bólisińiz:
Túrkistanda isker áıelder forýmy ótti

TÚRKІSTAN. QazAqparat – Túrkistan oblysynda «Áıel jáne bıznes» atty isker áıelder forýmy ótti. Óńirdiń názik jandylary bıznesti damytý máselesin qozǵady, dep habarlaıdy QazAqparat tilshisi.

Oblystyq kásipkerler palatasynyń Іsker áıelder keńesi uıymdastyrǵan aýqymdy sharaǵa 200-ge jýyq bıznes ókilderi qatysyp, óńirdiń damýyna ispen atsalysý jaıyn sóz etti. Sondaı-aq áıelderge bıznestiń júıeli damýyna jol ashý máseleleri kóterildi. Forýmnyń jumysy jergilikti áıel-kásipkerlerdiń tól ónimderi usynylǵan kórmeden bastaldy. Olardyń qatarynda ekologııalyq taza kosmetıka, qol-óner buıymdary, ulttyq kıimder men qolmen pisirilgen táttilerdiń túr-túri bar. Basqosýda sóz sóılegen oblystyq Kásipkerler palatasynyń dırektory Dinmuhamed Ábsattarov óńirde belsendi áıelder qatary kún sanap artyp kele jatqanyn atap ótti.

«Qazirgi tańda bıznesti damytý úshin jaqsy jaǵdaılar qarastyrylǵan. Tek jumys jasap, tájirıbe almasyp jáne qıyndyqtan qoryqpaý qajet. Búgingi forým – jańa kóptegen paıdaly jańalyqtar almasý úshin ashyq sóılesý alańy bola alady. Osy turǵyda oblystyq kásipkerler palatasy áıelder qaýymyna jan-jaqty qoldaý kórsetýge daıyn» ,- dedi Dinmuhamed Ábsattarov.

Forýmnyń aıasynda áıelder óz bıznesteriniń shyńyna shyǵý jolynda jetken jetistikterimen qatar, óz tájirıbelerimen de bólisti. Bıznes bastaýdyń jolynda kezdesetin túrli kedergiler men qandaı jaǵdaıda oǵan qarjy ala alatyny týraly mamandardyń sheberlik-sabaqtary ótti. Sondaı-aq, óńirlik Іsker áıelder keńesiniń tóraıymy Saltanat Tólegenova kásipkerlikke qyz-kelinshekterdi tartý jáne kómek kórsetýdegi mańyzdy rólin aıtty.

«Qazir keńestiń quramynda – Túrkistan qalasy men oblystarynan jınalǵan 500 belsendi áıelder bar. 2020 jylǵa qaraı bul sandy 2 myńǵa kóbeıtýdi josparlap otyrmyz. Munda tek aqyl-keńes alýǵa ǵana emes tájirıbe alýǵa da kelýge bolady. Aýdandarda uıymdastyrylǵan túrli oqytý kýrstary, bıznesvýmenderge arnalǵan forýmdar osy maqsatta uıymdastyrylǵan bolatyn. Biz endi bastaý alǵan bızneske jol kórsetemiz jáne tıisinshe qoldaý da beremiz»,- dedi isker áıelder keńesiniń tóraıymy.




Forým sońynda oblysta kásipkerliktiń damýyna óz úlesterin qosyp júrgen názikjandylar «Bıznes maqtanyshy», «Úzdik kásipker», «Áıel kásipkerligine qoldaý kórsetkeni úshin» nomınatsııalary boıynsha marapattaldy.

Aıta keteıik, qazirgi tańda elimizde áıelder basqaratyn orta jáne shaǵyn bıznestiń 43% Túrkistan oblysyna tıesili. Al áıelder basqaratyn kásipkerliktiń sany 62 myńǵa jetken. Bul san kúnnen-kúnge ósip, búkil salanyń damýyna yqpal etýde. Óńirde kásipker áıelder úshin «Bastaý-bıznes», «Jas kásipker» sekildi oqytý baǵdarlamalary qarastyrylǵan. Granttar men nesıelerdi jeńip alǵan áıel-kásipkerlerdiń sany alty júzge jetken. Al «Jas kásipker» baǵdarlamasy aıasynda 400 qyz-kelinshek óz bıznesin bastaý men damytý úshin qarjylandyrýǵa qol jetkizgen.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT