Túrkistanda halyqaralyq əýejaı ashylady

NUR-SULTAN. QazAqparat - 1 jeltoqsanda Túrkistandaǵy Hazret Sultan Airport halyqaralyq əýejaıynda alǵashqy reıs ashylady, dep habarlaıdy QazAqparat QR Mádenıet jáne sport mınıstrliginiń resmı saıtyna silteme jasap.

Uqsas jańalyqtar

Ómirzaq Shókeev Túrkistanda júrgizilip jatqan qurylys nysandaryn aralady

Bıyl Túrkistan oblysynyń Tóle bı aýdanyndaǵy 21 eldi mekende joldar jóndeledi Túrkistan oblysy koronavırýstyń ekinshi tolqynyna daıyn Túlkibasta 143 gektar jerge ınfraqurylym júrgizilmek

Ashyq aspan rejıminde jumysyn bastap, geografııalyq aýqymyn keńeıte túsetin əýejaı birinshi bolyp otandyq FlyArystan loýkosteriniń Nur-Sultan – Túrkistan baǵytynda jolaýshylaryn qabyldaıdy. Al 5 jeltoqsannan bastap Almaty qalasyna reıster ushady.

Túrkistan - kúlli túrki əleminiń rýhanı ortalyǵy, tarıhı jəne qazirgi arhıtektýra toǵysyp, úılesim tapqan mədenı fenomen. Búginde Mədenıet jəne sport mınıstrligi qalanyń mədenı jəne týrızm salasyndaǵy əleýetin arttyrýǵa baǵyttalǵan birqatar jobany júzege asyryp jatyr.

Túrkistan únemi týrıster úshin qyzyq meken. Bul óńirde Qoja Ahmet ıAssaýı, Esim han, Rabıǵa sultan begim, Arystan-bab kesenesi, Otyrar jəne Saýran qalasy syndy biregeı nysandar bar. Sonymen qatar XVI - XVIII ǵasyr aralyǵynda Túrkistan astana bolǵanda bul jerde qazaq halqy tarıhyndaǵy taǵdyrsheshti sheshimder qabyldanyp, handar saılaýy ótken.

2018 jyly 19 maýsymda QR-nyń Tuńǵysh Prezıdenti Nursultan Nazarbaevtyń qaýlysymen Túrkistan oblysy quryldy. Osy arqyly Elbasy óńirdiń qarqyndy damýyna jańa serpin bergen edi.

Memleket basshysy Qasym-Jomart Toqaev Túrkistandaǵy tarıhı-mádenı nysandardy saqtaý, qalaǵa jańa ınnovatsııalyq tehnologııalardy damytýdy únemi aıtyp keledi. Búginde qurylys jumysy qaınaǵan qalada kórikti ǵımarattar qatary kóbeıip, tarıhı kelbetpen úndestik taýyp jatyr. Qazir Túrkistanǵa tek otandastarymyz ǵana emes, shet elden de týrıster kópten keledi.

«Túrkistan kún saıyn túrlenip, qurylys jumystary qarqyn alyp keledi. Osy rette tarıhı-mədenı sıpatqa basymdyq berip, kóptegen mədenıet, sport nysany salyndy, týrızm ınfraqurylymyna nazar aýdaryp jatyrmyz. 120 adamǵa arnalǵan Rixos Turkistan jańa qonaq úıi, «Túrkistan-Arena» kóp fýnktsıonaldy stadıon men «Kongress-holl» kóp fýnktsıonaldy kontsert zaly paıdalanýǵa berildi. Kelesi jyly taǵy 120 adamǵa arnalǵan Hampton by Hilton qonaqúıi men kóp fýnktsıonaldy Kerýen-Saraı týrıstik keshen ashylady», - deıdi Aqtoty Raıymqulova.

Məselen, endi ashylǵan «Túrkistan» sapar ortalyǵynda halyqaralyq standarttarǵa sáıkes týrızm salasyna jaǵdaı jasalýda. Arnaıy aqparat berý nysandarynan týrızm baǵdarlary jaıly tolyq aqparat alýǵa, ekskýrsııaǵa tapsyrys berýge, mýzeı eksponattarymen tanysýǵa, jergilikti qolóner sheberleriniń týyndylaryn kórýge bolady. Týrıster jıi keletin jerdiń biri Qoja Ahmet ıAssaýı kesenesi. Qazir kesene aýmaǵynda qolóner sheberleri, shyǵys bazary, dəstúrli taǵamdar daıyndaıtyn ashana, ulttyq oıyn jəne atqa miný alańy bar Etnoaýyldy atap ótýge bolady.