Túrkistanda esirtki qylmysy týraly anonımdi habarlama jiberetin Telegram-bot quryldy
2022 jylǵy 23 maýsym 01:25

Túrkistanda esirtki qylmysy týraly anonımdi habarlama jiberetin Telegram-bot quryldy

TÚRKІSTAN. QazAqparat - Túrkistan oblysynda zańsyz esirtki aınalymyna qatysty quqyq buzýshylyqtar týraly anonımdi habarlama jiberetin Telegram-bot quryldy, dep habarlaıdy QazAqparat.

Bul týraly halyqaralyq nashaqorlyqqa qarsy kúres kúni qarsańynda polıtsııa qyzmetkerleri, narkolog-dárigerler, úkimettik emes uıym ókilderi, jastar resýrstyq ortalyǵynyń mamandary jáne basqa da múddeli qyzmet ókilderi bas qosqan jıynda belgili boldy.
Mamandar qazirgi tańda qaladaǵy nashaqorlyq jaǵdaıy týraly sóz sóılep, emdeý-ońaltý jumystaryn tanystyryp, olardyń nátıjesin aıtty.
Іs-shara barysynda «Serǵalı-Túrkistan» aımaqtyq qoǵamdyq birlestiginiń ókili jastar arasynda qolǵa alynǵan jobalardy, olar boıynsha qaıtarymsyz granttar bólingenin habarlady. Sonymen qatar, azamattar arasynda esirtkiniń zańsyz aınalymyna baılanysty quqyq buzýshylyqtar týraly anonımdik habarlamalar boıynsha arnaıy telegram-bot qurylǵanyn málimdedi.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT