Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.05 EUR 428.25
RUB 5.84 CNY 54.65
Jańalyqtar

Túrkistanda da, Arysta da qurylys qarqyny báseńdemeıdi

2019 jylǵy 17 shilde 16:05 262
Bólisińiz:
Túrkistanda da, Arysta da qurylys qarqyny báseńdemeıdi

TÚRKІSTAN. QazAqparat - Búgin Túrkistan oblystyq máslıhatynyń sessııasynda óńir basshysy Ómirzaq Shókeev Túrkistanda da, Arysta da qurylys qarqyny báseńdemeıtinin málim etti, dep habarlaıdy QazAqparat oblys ákiminiń baspasóz qyzmetine silteme jasap.

2019 jyldyń alǵashqy jarty jyldyǵyndaǵy kórsetkishter jóninde baıandaǵan ol QR Prezıdenti Qasym-Jomart Toqaevtyń tapsyrmalary boıynsha naqty jumystar qolǵa alynatynyn aıtty. Prezıdent baqylaýynda turǵan Túrkistan men Arys qalasyndaǵy qurylys jumystaryna toqtaldy.

Jalpy óńirde qurylys óte qarqyndy. 52,2 mlrd teńgege qurylys jumystary júrgizilip, naqty kólem ındeksi 116 %-dy qurady. 6 aıdyń qorytyndysymen 298,2 myń sh.m. turǵyn úı (2537 páter) paıdalanýǵa berilip, ótken jyldyń osy merzimimen salystyrǵanda 47,4%-ǵa artty.

«Bıyl ákimshilik-iskerlik ortalyqtaǵy 16 nysannyń 7-eýi paıdalanýǵa beriledi dep josparlanǵan. Olar: oblys ákimdiginiń ǵımaraty, medıa ortalyq, «Nur-Sultan» alańy, qalalyq saıabaq, mýzyka mektebi, halyqqa qyzmet kórsetý ortalyǵy, olımpıadalyq rezervtegi sport mektebi. Rýhanı-mádenı ortalyǵynda 11 nysannyń 4-eýi, ıaǵnı, amfıteatr, áýendi sý burqaq, shyǵys monshasy jáne neke saraıy jyl sońyna deıin tapsyrylady degen senim bar», – degen óńir basshysy Arysty qalpyna keltirý máselesi da basty nazarda ekenin aıtty.



Búginde Arys qalasyn qalpyna keltirý jumystary 17 sektorǵa bólinip, atqarylyp jatyr. Árbir sektorǵa respýblıkalyq mańyzy bar qala men oblystardy bekitip, oǵan qosa oblystyń aýdan, qala ákimderine júktelgen.



Arysta 7 myńnan astam jeke, 104 kópqabatty turǵyn úılerdi, áleýmettik jáne kásipkerlik nysandardy jóndeý qajet. Qaıta salynatyndary da bar.

Búginde 5 646 turǵyn úıdi qalpyna keltirý jumystary bastalyp, onyń 1100-den astamy qalpyna keltirilip, 3 turǵyn úıdiń qurylysy jańadan júrgizilip aıaqtaldy.



Qalpyna keltirý jumystaryna 200-ge jýyq qurylys kompanııasy men jumysshylar tartylǵan.

Arystyq 4000 oqýshyny jáne eki myńdaı ardagerdi demalyspen qamtý, turǵyndarǵa 100 myń teńge ótemaqy berýge qujat jınaý jumystary da josparǵa saı atqarylyp jatyr.

Oblystyq máslıhattyń kezekten tys qyryq birinshi sessııasynyń jumysyna QR Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory Serik Qojanııazov, oblys ákimdiginiń músheleri, basshylar, ardagerler jáne zııaly qaýym ókilderi, úkimettik emes jáne qoǵamdyq uıymdardyń basshylary jáne BAQ ókilderi qatysty.






Bizdiń kanalymyzǵa jazylyńyz:

Basty sózder: Túrkistan oblysy, Qurylys, Ákimdik, Arys,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT