Túrkistanda buqar buǵylary tóldep jatyr
2022 jylǵy 18 mamyr 17:48

Túrkistanda buqar buǵylary tóldep jatyr

TÚRKІSTAN. QazAqparat –Túrkistan qalasynan 32 shaqyrym qashyqta ornalasqan tuqymbaqta buqar buǵylary tóldep jatyr, dep habarlaıdy QazAqparat tilshisi.

2000 jyly Syrdarııa ózeniniń jaǵasyndaǵy memlekettik orman qory aýmaǵynan Buqar buǵylary tuqymbaǵy qurylǵan bolatyn. Alǵashynda munda 17 buǵy bolǵan. 22 jyldyń ishindegi olardyń sany 200-ge jýyqtap otyr. Al, beıresmı málimet boıynsha buǵylardyń sany budan eki-úsh ese kóp kórinedi. Sebebi, jabaıy tabıǵatta mekendeıtin buǵylardyń izderi kórshiles aýdan aýmaǵynan kóp baıqalǵan.

«Ótken jyly 20-ǵa jýyq buǵy tóldegen bolatyn. Bıylǵy tólderdiń sanyn endi esepteımiz. Qazir analyǵy balalarynyń qasyna jolatpaıdy. Tólderi de tyǵylyp jatady», - deıdi «Syrdarııa-Túrkistan» memlekettik óńirlik tabıǵı parki Túrkistan fılıalynyń týrızm, rekreatsııa jáne ekologııalyq aǵartý bóliminiń meńgerýshisi Qaırat Káribaev.

Tuqymbaq Túrkistan qalasynan 32 shaqyrym qashyqta ornalasqan. Arnaıy qorshalǵan mekende arnaıy buǵyshylar qyzmet atqarady. Olar buǵylardy qorektendirip, qarap júredi.



Jańalyqtar

MURAǴAT