+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Túrkistanda batyrlar jyryn jatqa aıtqan oqýshy 1 mln teńge utyp aldy

2019 jylǵy 20 qarasha 09:31
Bólisińiz:
Túrkistanda batyrlar jyryn jatqa aıtqan oqýshy 1 mln teńge utyp aldy

TÚRKІSTAN. QazAqparat – Túrkistan oblysynda «Jaqsylar, dastan aıtaıyn» atty jas jyrshylardyń baıqaýy ótti, dep habarlaıdy QazAqparat tilshisi.

Jyr saıysyna aýdan-qalalardan iriktelgen 47 oqýshy qatysty

Qazaqstan Respýblıkasynyń Tuńǵysh Prezıdenti N.Á.Nazarbaevtyń «Bolashaqqa baǵdar: rýhanı jańǵyrý», «Uly dalanyń jeti qyry» maqalalarynda júktelgen mindetterdi júzege asyrý maqsatynda uıymdastyrylǵan sharaǵa oblys ákimdigi uıytqy boldy.

Jıynnyń ashylý saltanatynda sóz alǵan oblys ákiminiń orynbasary Sáken Qalqamanov ulttyq muramyzdy ulyqtap, ulttyq rýhty asqaqtatar sharanyń mańyzdylyǵyna toqtaldy.

Al, oblystyq aqsaqaldar alqasynyń tóraǵasy Jarylqasyn Áziretbergenov aq batasyn berip, qatysýshylarǵa sáttilik tiledi. Eki jyl buryn bastalǵan joba barysynda qatysýshylar «Qambar batyr» men «Alpamys batyr» dastanyn aıtyp jyrlasa, bıyl balalar «Qobylandy batyr» jyryn jatqa aıtýǵa tyrysty.

9 aı boıyna 264 betten turatyn jyrdy jattap, óz ónerlerin ortaǵa saldy. Ekinshi kezeńde jyr ishindegi jekelegen oqıǵalar men jer-sý ataýlaryna qatysty suraqtarǵa jaýap berip, úshinshi kezeńde jyrdaǵy kónergen, tarıhı sózderdiń maǵynasyn ashyp túsindirdi.

Baıqaý qorytyndysynda Sozaq aýdanyndaǵy Q.Rústemov atyndaǵy jalpy orta mektebiniń oqýshysy Óser Turan úzdik óner kórsetip, 1 mln teńgege ıe boldy.

Jeńimpazdy saıysqa daıyndaǵan ustazy Asylzat Ámetova 2 mln teńgeniń syıaqysyna ıe boldy. Sondaı-aq, ekinshi oryn da sozaqtyq oqýshyǵa buıyrdy. Á.Naýaıy atyndaǵy jalpy orta mektebiniń 8 synyp oqýshysy Rábııa Shaltaı ekinshi orynnyń tuǵyryna kóterilip, 600 myń teńgege ıe bolsa, ustazy Jazıra Sánkibaeva 1 mln 600 myń teńge aldy.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT