+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Túrkistanda ájethana kúzetpegeni úshin polıtsııa ustap áketken muǵalimge mınıstr arasha tústi

2019 jylǵy 14 jeltoqsan 17:29
Bólisińiz:
Túrkistanda ájethana kúzetpegeni úshin polıtsııa ustap áketken muǵalimge mınıstr arasha tústi

TÚRKІSTAN. QazAqparat - Túrkistanda ájethana kúzetpegeni úshin «jazyqty» bolǵan muǵalimge Bilim jáne ǵylym mınıstri Ashat Aımaǵambetov arasha tústi, dep habarlaıdy QazAqparat.

Shymkenttik bloger Aıgúl Orynbek Facebook paraqshasynda Túrkistandaǵy Maǵjan Jumabaev atyndaǵy №15 orta mekteptiń muǵalimi «ájethana kúzetpegeni úshin» ustalǵanyn habarlady.

«Muǵalimder shyryldap kómek surap jazypty. Muǵalimdi «kezekshilikte turmadyń» dep qolyn qaıyryp alyp ketken», - dep jazdy ol.

Ol sondaı-aq №15 mektep dırektory K. Ábdiqadyrovanyń hatyn qosa tirkegen. Hatta bilim ordasynda 31 jyldan beri eńbek etip kele jatqan ustaz Baqyt Keýkenovty qalalyq ishki ister basqarmasynyń bastyǵy, polıtsııa podpolkovnıgi Danııar Meıirhan bastaǵan bir top polıtseı ustap áketkeni jazylǵan. Dırektordyń jazýynsha, muǵalim aıaq kıiminen sý ótken soń sony aýystyrý úshin mektep ǵımaratyna kirgen. Alaıda polıtseıler muǵalimniń qarsylyq kórsetkenine qaramastan qolyn qaıyryp, bólimshege áketip qalǵan. Bul jaǵdaıdy sol jerden ótip bara jatqan ustazdar men oqýshylar kórgen. Polıtsııa bolǵan oqıǵa boıynsha arnaıy hattama toltyryp, aıyppul rásimdep, tóletken.

Keıinirek Baqyt Keýkenovtyń vıdeosy áleýmettik jelide tarady.

Osyǵan baılanysty búgin Bilim jáne ǵylym mınıstri Ashat Aımaǵambetov ustazǵa arasha tústi.

«Túrkistan qalasyndaǵy №15 mekteptiń muǵalimine qatysty oryn alǵan oqıǵaǵa uqsas jaǵdaıǵa múldem jol berilmeýi tıis. Bilim jáne ǵylym mınıstrligi tarapynan bul muǵalimdi qorǵaý boıynsha barlyq qajetti sharalar qabyldanatyn bolady. Sondaı-aq, atalǵan oqıǵaǵa qatysy bar adamdardy jaýapkershilikke tartýdy talap etetin bolamyz. Onyń ishinde, mektep ákimshiligi men bilim bólimine de qatysty. Balalardyń qaýipsizdigin qamtamasyz etý - yńǵaıly jáne qaýipsiz jaǵdaı jasaý arqyly júzege asyrylýy tıis dep sanaımyn. Eger osyndaı faktiler qaıtalanatyn bolsa, qatań sharalar qoldanylady. Oryn alǵan jaǵdaıdyń sebepterin jan-jaqty túsiný úshin muǵalimmen telefon arqyly sóılestim. Jaǵdaı meniń jeke baqylaýymda», - dep jazdy Ashat Aımaǵambetov.

Bizdiń kanalymyzǵa jazylyńyz:

Basty sózder: Túrkistan oblysy, Bilim, Oqıǵa,
Bólisińiz:

Avtor:

Janat Qapalbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT