+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

​Túrkistanda ataýly áleýmettik kómektiń jańa baǵyttary týraly aıtyldy

2019 jylǵy 11 qazan 11:27
Bólisińiz:
​Túrkistanda ataýly áleýmettik kómektiń jańa baǵyttary týraly aıtyldy

TÚRKІSTAN. QazAqparat – Ataýly áleýmettik kómek berýdiń jańa baǵyty aıqyndaldy. Bul týraly Óńirlik kommýnıkatsııa qyzmetinde arnaıy brıfıng ótkizgen Túrkistan oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva aıtty, dep habarlaıdy QazAqparat.

Uqsas jańalyqtar
Túrkistanda jańadan kásip bastaǵandarǵa qural-jabdyqtar úlestirildi Saparbaev halyq aldyndaǵy áleýmettik mindettemelerdiń sapaly oryndalýyna nazar aýdardy Almatyda ÚEU-ǵa áleýmettik jobalardy iske asyrýdy jandandyrý usynyldy

Memleket basshysynyń 2019 jylǵy 2 qyrkúıektegi Qazaqstan halqyna Joldaýynda bergen tapsyrmalaryn iske asyrý úshin zań jobasy ázirlenip, onyń sheńberinde AÁK kórsetýdiń jańa baǵyty aıqyndalǵan bolatyn. Osy oraıda, zańnamalyq túrde az qamtamasyz etilgen otbasylardyń balalaryna kepildendirilgen áleýmettik paket anyqtalyp, kóp balaly otbasylar burynǵydaı memleket qoldaýyna ıe bolady. ​


Basty maqsat - ​ naqty kómekke muqtaj adamdarǵa memleket tarapynan járdem kórsetý. Bul rette memleket birinshi kezekte balalar men kóp balaly otbasylarǵa kómektespek. Eńbekke qabiletti azamattar jumys isteýge nıetti bolsa, memleket jumysqa ornalasýǵa nemese shaǵyn bıznespen aınalysýǵa múmkindik beredi.


​ Ataýly áleýmettik kómek alýǵa nıetti turǵyndarǵa arnalǵan sharalar kesheni 3 baǵytty qamtıdy:

birinshisi – kóp balaly analardy jeke sanatqa shyǵarý jáne olarǵa kepildi járdemaqy berý, bul rette kóp balaly otbasy-az qamtylǵan otbasy degen stereotıp alynyp tastalady. Budan basqa, bul kóp balaly analardyń materıaldyq jaǵdaıy men áleýmettik mártebesine qaramastan, olardyń bedelin moıyndaıtyn bolady, eldegi bala týý deńgeıin arttyrady;

ekinshi – az qamtylǵan azamattardy qoldaý jáne olardy jumysqa ornalastyrýǵa yntalandyrý;


úshinshisi - barlyq AÁK alýshylardyń balalaryna zattaı qoldaýdy qamtıtyn kepildi paket usynylatyn bolady.

Ataýly áleýmettik kómek 2002 jyldan beri iske asyrylyp keledi. Bul az qamtylǵan, tabysy tómen otbasylarǵa arnalǵan kómek. Ataýly áleýmettik kómek – aqshalaı, áleýmettik beıimdeý, jumysqa ornalastyrý, óz bıznesin uıymdastyrýǵa kómektesý jáne jumyspen qamtýdyń basqada túrleri arqyly otbasynyń tabysyn arttyrýǵa baǵyttalǵan kómek.

2018 jyly AÁK jan basyna shaqqanda tabysy eń tómengi kúnkóris deńgeıiniń 50%-nan tómen otbasylarǵa osy muqtajdyq shegi men jan basyna shaqqandaǵy tabystyń aıyrmasy retinde otbasynyń ár múshesine tólendi.


2019 jyly – kedeılik shegi eń tómengi kúnkóris deńgeıiniń 50%-nan 70%-na deıin kóterildi. Osyǵan oraı, AÁK alýǵa 20​ 789 teńgeden tómen jan basyna shaqqandaǵy tabysy bar otbasylar quqyly. AÁK 20​ 789 teńge sommasy men jan basyna shaqqandaǵy tabysynyń aıyrmasy retinde taǵaıyndalady, biraq balalar kedeılik shegi men jan basyna shaqqandaǵy tabysynyń aıyrmasyn emes, onyń tolyq somasyn = eń tómengi kúnkóris deńgeıiniń 70%-yn (20​ 789 teńge) alady.

Sondyqtan, osy tektes kómek kórsetý jyl sońyna deıin ​ jalǵastyrylatyn bolady.

Atap óteıik, Túrkistan oblysynda aǵymdaǵy jyldyń 1 qazanyndaǵy esep boıynsha ataýly áleýmettik kómek 99,7 myń otbasyǵa, naqty 577,8 myń adamǵa taǵaıyndalǵan. Onyń ishinde 352,4 myńy – balalar, 65,7 myń otbasy – kóp balalylar.

Ókinishke oraı, AÁK-ti zańsyz taǵaıyndaýǵa alyp kelgen 18 myńnan astam otbasy óziniń naqty tabysyn jasyrǵandyǵy anyqtalǵan. Nátıjesinde oblysta júrgizilgen monıtorıngtiń qorytyndysy boıynsha 3 mlrd teńgege jýyq qarjy únemdelip, artyq tólengen 650 mln teńgeniń 38,8 mln teńgesi qaıtarylyp otyr.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT