+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Túrkistanda alǵash ret sybaılas jemqorlyqqa qarsy halyqaralyq forým ótti

2019 jylǵy 22 qarasha 15:34
Bólisińiz:
Túrkistanda alǵash ret sybaılas jemqorlyqqa qarsy halyqaralyq forým ótti

TÚRKІSTAN. QazAqparat - «Sybaılas jemqorlyqqa qarsy úzdik halyqaralyq tájirıbeler» taqyrybynda Túrkistanda alǵash ret «Sybaılas jemqorlyqqa qarsy halyqaralyq Túrkistan forýmy» ótti, dep habarlaıdy QazAqparat oblys ákiminiń baspasóz qyzmetine silteme jasap.

Uqsas jańalyqtar
Nur-Sultanǵa álemniń 18 elinen blogerler jınaldy

Sharany 9 jeltoqsan «Halyqaralyq sybaılas jemqorlyqpen kúres kúnine» oraı QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń bastamasy boıynsha Túrkistan oblysy ákimdigi jáne Q.A.ıAsaýı atyndaǵy HQTÝ birlesip uıymdastyrdy.

Forýmǵa Túrkistan oblysy ákiminiń orynbasary Ulan Tájibaev, Memlekettik qyzmet salasyndaǵy Astanalyq Habty basqarý komıtetiniń tóraǵasy Álıhan Baımenov, «Transparency Kazakhstan» uıymynyń atqarýshy dırektory O.Shııan, respýblıkalyq arnaıy monıtorıngtik top basshysy A.Soloveva, respýblıkalyq «Adaldyq alańy» jobalyq keńse jetekshisi M.Qarǵabaı, AQSh, Túrkııa, Ázirbaıjan, Túrikmenstan elderinen kelgen ýákiletti organdarynyń ókilderi, ǵalymdar, mınıstrlikterdiń jaýapty hatshylary, ádep jónindegi ýákilder, qala/aýdan ákimderi, úkimettik emes uıymdardyń ókilderi men oblystyq quqyq qorǵaý jáne memlekettik organdardyń basshylary qatysty.


Halyqaralyq forým qazaq bolmysynda erteden qalyptasqan asyl qasıetter - «Adaldyq. Parasattylyq. Ádildik. Senim» taqyrybynda arnaıy daıyndalǵan beınerolıkpen ashyldy.

Jalpy sany 700-ge jýyq adamdy qamtyǵan forým barysynda sybaılas jemqorlyqqa qarsy is-qımyl máseleleriniń ozyq tájirıbeleri talqylanyp, júzege asyrylyp jatqan tyń jobalar men tıimdi ádis-tásilder talqylandy.

Bul jıynda alǵashqy bolyp sóz sóılegen oblys ákiminiń mindetin atqarýshy Ulan Tájibaev «Elbasynyń tarıhı sheshimimen jańa oblys bolyp qurylǵan Túrkistan jerin jemqorlyqtan azat etip, adaldyqtyń mekenine aınaldyrýda búgingi Halyqaralyq forýmnyń tıgizer úlesi zor» dep, óziniń paıymdy oı-pikirin bildirdi.


Forýmǵa arnaıy kelgen AQSh, Túrkııa, Ázerbaıjan jáne Túrikmenstan elderinen kelgen ýákiletti organdar ókilderi óz elderindegi, al halyqaralyq sarapshylar men úkimettik emes uıym músheleri Qazaqstandaǵy úzdik tájirıbelermen bólisip, tushymdy oılaryn ortaǵa saldy.

Qatysýshylardyń pikirinshe, búgingi forým sybaılas jemqorlyqqa qarsy saıasatty iske asyrýǵa tyń serpin beretin dıalog alańyna aınaldy.

Qoǵam indetimen qarqyndy kúresýdiń jolyn qaýzaǵan forým sońynda QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti qyzmetkerleriniń jáne departament qamqorlyǵyndaǵy Arys qalasyndaǵy «T.Tájibaev atyndaǵy otbasy úlgisindegi balalar aýylynyń» tárbıelenýshileriniń qatysýymen túsirilgen «1424» kórkem fılminiń alǵashqy kórsetilimi jıynǵa qatysýshylar nazaryna usynylyp, kórermen kóńiline tereń oı saldy.


Bul forým aldaǵy ýaqytta da elimizdiń rýhanı astanasynda óz jalǵasyn taýyp, sheteldik sarapshylardyń belsene qatysýymen turaqty túrde ótkizilip turatyn bolady.

Búgingi ótken halyqaralyq forým túrki jurtshylyǵynyń túp qazyǵyna aınalǵan tarıhı ólkeni jemqorlyq keselinen aryltyp, órkenıet oshaǵyna aınaldyrýǵa birden-bir negizgi qadam bolmaq.


















Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT