+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Túrkistanda AQSh tehnologııasymen jańbyrlatyp sýarý tásili qoldanyla bastady

2019 jylǵy 10 qazan 19:08
Bólisińiz:
Túrkistanda AQSh tehnologııasymen jańbyrlatyp sýarý tásili qoldanyla bastady

TÚRKІSTAN. QazAqparat - Túrkistan qalasynyń mańynda dıqandar egistikti AQSh-tan ákelingen arnaıy tehnıka arqyly jańbyrlatyp sýara bastady. Mamandardyń aıtýynsha, bul – óte tıimdi tásil. Osy bastama arqyly ónim túsimi eki-tórt esege deıin artady dep josparlanyp otyr, dep habarlaıdy QazAqparat óńirlik kommýnıkatsııalar qyzmetine silteme jasap.

Uqsas jańalyqtar
AShM paıdalanylmaı jatqan jerlerdi memleketke qaıtarý ýaqytyn qysqartpaq Qazaqstanda paıdalanylmaı jatqan jerlerdi qaıtaryp alý boıynsha Jol kartasy ázirlendi Izraıldyq ınvestorlar Túrkistan oblysynyń aýyl sharýashylyǵyn damytýǵa úles qospaq

2018 jyly Elbasy N.Á.Nazarbaevtyń tarıhı sheshimine sáıkes, Túrkistan qalasy oblys ortalyǵy bolyp bekitilip, «Túrkistan oblysynyń áleýmettik-ekonomıkalyq damytýdyń 2024 jylǵa deıingi keshendi jospary» qabyldanǵan bolatyn. Osy josparǵa sáıkes, oblys ákimi Ómirzaq Shókeevtiń bastamasymen Túrkistan qalasy aýmaǵynda azyq-túlik beldeýin qalyptastyrý jáne sý nysandary jobalary iske asyryla bastady.

Keshendi jospar aıasynda agrarlyq salaǵa, onyń ishinde Túrkistan qalasy aýmaǵynda 11 myń ga alqapqa azyq-túlik beldeýin qalyptastyrý jáne aǵyn sý tapshylyǵyn joıý maqsatynda sý nysandary qurylysyn júrgizýge úlken basymdyq berilip otyr.


Bıyl jyl basynda «Túrkistan Agro HHI» JShS bastamasymen 131 sharýa qojalyq birigip, nátıjesinde «Yntymaq – 2019» kooperatıvi quryldy. Búginde atalǵan kooperatıvtiń 733 ga alqabyna 18 birlik jańbyrlatyp sýǵarý tehnologııasy mashınasyn ornatý josparlanǵan. Jobanyń quny – 500,0 mln. teńge. AQSh-tyń «T-L» markaly tehnologııasyn elimizge Nıderlandynyń «APH Group B.V.» kompanııasy jetkizgen. Sondaı-aq munda 600,0 mln. teńgege «MTS qurý» jobasy iske asyrylýda. Jobalar «Agrarlyq nesıe korporatsııasy» AQ arqyly maquldandy. Bul qurylǵylarǵa memleket tarapynan sýbsıdııa bólinip, sharýalarǵa úlken qoldaý kórsetilip otyr.

Túrkistan oblystyq aýyl sharýashylyǵy basqarmasynyń basshysy Nurbol Badyraqovtyń aıtýynsha, búginde Túrkistan qalasy mańynda 4 birlik jańbyrlatyp sýarý mashınasy ornatylǵan.

«Qazir bul alqapqa kúzdik bıdaı egilip jatyr. Kelesi jyldyń mamyr aıynda súrlem júgeri egý josparlanǵan. Jańbyrlatyp sýarý tehnologııasy arqyly daqyl túrine qaraı ónimdilik 2-4 esege deıin artady. Mysaly bıdaıdan ortasha ónimdilik gektaryna 15 – 20 tsentner bolsa, tehnologııa arqyly ol 40 – 45 tsentnerge jetpek. Dándik júgeriden ár gektardan 48,5 tsentner alynsa, jańa tehnologııa arqyly ónim túsimin 115-130 tsentnerge deıin jetkizýge bolady. Jalpy, kelesi jyly Túrkistan qalasynyń aınalasyndaǵy alqaptarda jańbyrlatyp sýarý ádisi engiziledi. Osy arqyly azyq-túlik beldeýi qalyptasyp, eldiń áleýmettik jaǵdaıy kóterilip qana qoımaı, qalanyń ekologııasy aqýaly da jaqsarady», – deıdi basqarma basshysy.


Búgingi tańda azyq-túlik beldeýi aýmaǵynda «Túrkistan Agro HHI» JShS «1200 basqa arnalǵan taýarly sút fermasy» jobasyn iske asyrýda. Budan bólek «SPK-SAURAN» AShÓK-i («Sıtı Stroı»JShS) «10 000 bas ІQM bordaqylaý kesheni» jobasyn iske asyrý jumystaryn bastady. Sondaı aq «SPK-SAURAN» AShÓK-i «1 myń gektar alqapta jańbyrlatyn sýarý júıesin ornatý» jobasyn qolǵa aldy. Qazir onda «Valmont Industries» kompanııasynan 3 jańbyrlatqysh mashınalary jetkizilgen.

Budan bólek, jylyna qýattylyǵy 20 myń.tn. etti baǵyttaǵy qus fabrıkasy («Standart oıl»JShS), 500 ga zamanaýı jylyjaı kesheni (YDA INSAAT túrik kompanııasy), «Jylyna 2,5 myń tonna túıe sútin qaıta óńdeý kesheni» jobalary daıyndalýda.

Azyq-túlik beldeýin qalyptastyrý jobalary Túrkistan qalasy aýmaǵynan radıýsy 15 shaqyrym aýmaqta ıntensıvti tehnologııalardy qoldana otyryp, ǵalymdardyń súıemeldeýimen júzege asyrylyp jatyr.

Keshendi jospar boıynsha jalpy 70 mlrd. teńgeni quraıtyn 8 iri ınvestıtsııalyq jobany iske asyrý kózdelgen. Nátıjesinde jyl saıyn qosymsha 30,0 mlrd. teńgeniń aýyl sharýashylyǵy ónimi óndirilip, 2500-den astam jańa jumys orny qurylady degen senim bar.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT