+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Túrkistanda 400-den astam ata-ana bas qosty

2020 jylǵy 17 aqpan 21:54
Bólisińiz:
Túrkistanda 400-den astam ata-ana bas qosty

TÚRKІSTAN. QazAqparat – Túrkistan qalasynda «Ata-ana, ustaz, oqýshy: bolashaqqa baǵyttalǵan yntymaqtastyq» atty respýblıkalyq ata-analar forýmy ótti. Mańyzdy máselelerdi talqylaýǵa Qyzylorda, Taraz, Shymkent qalalary men Túrkistan oblysynyń ata-analary, qamqorshylyq keńesiniń tóraǵalary, kásipodaq keńesiniń músheleri, mektep dırektorynyń tárbıe isi jónindegi orynbasarlary men jastar uıymynyń músheleri qatysty, dep habarlaıdy QazAqparat tilshisi.

Keleli basqosýda ata-analar bilim salasyndaǵy ozyq trendtermen, qundylyqtarǵa negizdelgen bilim berý ádis-tásilderdiń erekshelikterimen tanysty. Sondaı-aq, qatysýshylardyń pedagogıkalyq, psıhologııalyq saýattylyǵyn jáne mektep pen otbasynyń yntymaqtastyǵyn arttyrý másleleri talqylandy. Qatysýshylardy qoǵam nazaryn bilim salasyna aýdarý men pedagog mártebesin kóterý, azamattardy óz ustazdaryn syılaý men qoldaý kórsetýge úndeý maqsaty kózdeldi. Aýqymdy sharaǵa 400-den astam ata-ana qatysty.

Jıyn barysynda Túrkistan oblystyq adamı áleýetti damytý basqarmasynyń basshysy Raqymbek Jolaev bala tárbıesindegi mańyzdy máselelerge toqtalyp ótti.

«Ásirese otbasynda kóp kóńil bólinbeıtin balalar jylýlyqty syrttan izdeı bastaıdy. Olardyń arasynda túrli oqıǵalarǵa tap bolyp, tyǵyryqtan shyǵa almaı qalatyny bolady. Osydan bala boıynda qatigezdik qasıet, al ata-analarda tárbıege kónbeıtin bala degen uǵym qalyptasady. Balalarymyzdyń jany men táni aman bolsyn desek, birlese jumylǵan jón. Ata-ananyń bala tárbıesine degen kózqarasy men olarmen qarym-qatynasy qalypty bolýy kerek»,-deıdi basqarma basshysy.


Oblystyń bas ustazy bala men ata-ana arasyndaǵy baılanysty nyǵaıtý úshin, óńirdiń barlyq bilim uıalarynda rýhanı-adamgershilik tárbıeniń damýyna tikeleı yqpal etetin sharalar jaıly atap ótti.

Aıta keteıik, óńirde otbasylyq tárbıeni, ásirese, ákelermen jumysty nyǵaıtý boıynsha byltyr «Ákeler mektebi» ashyldy. Búginde aýdandyq, qalalyq bilim berý uıymdarynda 800 ardager men 900 ákeler keńesi, 709 tálimger keńesi qurylǵan.


Bizdiń kanalymyzǵa jazylyńyz:

Basty sózder: Túrkistan oblysy, Bilim, Qoǵam,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT