Túrkistanda 4 januıaǵa baspana kilti tabystaldy
2021 jylǵy 30 qarasha 22:14

Túrkistanda 4 januıaǵa baspana kilti tabystaldy

TÚRKІSTAN. QazAqparat - Túrkistanda QMDB janyndaǵy «Zeket» qorynyń «El úlesi – páterge» jobasy aıasynda 4 januıaǵa baspana kilti berildi, dep habarlaıdy QazAqparat tilshisi.

«Shapaǵatshym bir ózińsiń Muhammet» taqyrybynda Máýlit merekesine arnalǵan rýhanı keshte oblys ákiminiń orynbasary Ulan Tájibaev pen oblystyń bas ımamy Erkebulan Qaraqulov quttyqtaý sóz sóılep, jınalǵan qaýymdy «Tuńǵysh Prezıdent kúnimen» jáne Táýelsizdiktiń 30 jyldyǵymen quttyqtady. Sondaı-aq, teatrlandyrylǵan qoıylym kórsetilip, salaýat aıtyldy.

«Máýlit merekesi qutty bolsyn ardaqty áleýmet! Búginde kúlli adamzat balasy Paıǵambarymyzdaı tulǵaǵa asa muqtaj. Onyń meıirimdiligi men súıispenshiligine zárý. Bizder eki dúnıe sardary Muhammettiń (s.a.s) qııamet kúninde shapaǵatshy bolýyn tileýimiz kerek. Alla Taǵala elimizge tynyshtyq, otbasylaryńyzǵa amandyq bersin»,- dedi Erkebulan Ybraıymuly.

Dinı jıynda teolog, Respýblıkalyq aqparattyq-nasıhat tobynyń múshesi Arman Qýanyshbaev saqabalardyń ǵıbratty ǵumyry týraly keńinen toqtaldy. Óz kezeginde qazaq estradasynyń jaryq juldyzdary Marat Omarov pen Sáken Maıǵazıev ánnen shashý shashyp, sahna kórkin qyzdyrdy.


Uqsas jańalyqtar

Jańalyqtar

Úrdis

MURAǴAT