Túrkistanda 200-den astam nysan salynyp jatyr
2022 jylǵy 29 qańtar 16:07

Túrkistanda 200-den astam nysan salynyp jatyr

TÚRKІSTAN. QazAqparat - Túrkistan oblysynyń ákimi Ómirzaq Shókeev qurylys jumystaryn júrgizip jatqan merdigerlermen kezdesip, nysandardy belgilengen kestege sáıkes merziminde aıaqtaýdy tapsyrdy. Baspananyń sapasyn basty nazarda ustaýdy eskertip, abattandyrý jumystarynyń barysyna mán berý kerektigin atap ótti, dep habarlaıdy QazAqparat tilshisi.

Búginde Túrkistanda 200-den astam nysan salynyp jatyr. Aımaq basshysy rýhanı astanadaǵy birqatar qurylys nysanyn aralap, jumys barysymen tanysty. Óńirde turǵyndardy baspanamen qamtý baǵytynda aýqymdy jumys qolǵa alynǵan. Turǵyn úılerdiń qurylysy talapqa saı júrip jatyr. Jańadan boı kótergen úılerdiń aýlasyna balalar alańqaılary salynyp, abattandyrý jumystary qatar júrgizilýde.

«Qazirgi tańda Túrkistan qalasynda ınvestıtsııalyq jobalardyń sany artýda. Qurylys kompanııalarynyń basshylarymen kezdesýdiń mańyzdylyǵy belgili. Jańa nysandardyń talapqa saı salynyp, óz merziminde tapsyrylýyna kúsh salamyz», – deıdi oblys ákimi Ómirzaq Shókeev.

Qalada boı kótergen 12 qabatty 39 úıdiń qurylysy naýryz aıynda tolyq aıaqtalady. 7 qabatty 15 úıdiń qurylysy aıaqtalyp, satylymǵa shyǵarylǵan. Baspanaǵa qoljetimdilikti arttyrý maqsatynda Túrkistan qalasyndaǵy ákimshilik-iskerlik ortalyǵy aýmaǵyndaǵy kópqabatty turǵyn úılerdiń páterleri «Otbasy bank» arqyly jáne «7-20-25» baǵdarlamasy arqyly turǵyndarǵa usynylady. Byltyr jalpy alańy 600 myń sharshy metrden asatyn turǵyn úı paıdalanýǵa berildi.

Oblys ortalyǵynda qazirgi tańda bıýdjet esebinen 7, 9 jáne 12 qabatty 67 turǵyn úıdiń qurylysy júrýde.


Jańalyqtar

MURAǴAT