Túrkistan jańalyqtary

Túrkistan qalasy - Túrkistan oblysynyń ortalyǵy.
2018 jylǵy 19 maýsymda Qazaqstan Prezıdentiniń jarlyǵymen Ońtústik Qazaqstan oblysy Túrkistan dep ataldy, al onyń ákimshilik ortalyǵy Shymkentten Túrkistanǵa aýystyryldy;
Óńirdiń basty maqtanyshy ári jaýhary — Túrkistan qalasy túrki dúnıesiniń rýhanı astanasy, onyń baı tarıhy, zor bolashaǵy bar. Qala Uly Jibek jolynyń dál ortasynda ornalasqan.
Telefon kody 8725 33
Tarıhı týrızmniń altyn besigine aınalǵan Túrkistan, otandyq ta, sheteldik te týrısterdiń arasynda asa tanymal. Oblysta týrızmniń áleýeti asa zor. Ejelden rýhanı astana retinde sanalyp kelgen Túrkistan jylyna bir mıllıonnan astam týrısti qabyldaýǵa qaýqarly.
Túrkistan qalasy halqynyń sany 193 591 adam.
Túrkistan qalasynyń ákimi Nurbol Turashbekov
Túrkistan qalasy Shymkent qalasynan 170 km. qashyqtyqta ornalasqan. Qalanyń shyǵysy tarıhı Otyrarmen, soltústigi Kentaý qalasy jáne Sozaq aýdanymen, batysy Qyzylorda oblysynyń Jańaqorǵan aýdanymen shektesedi
Túrkistan – kóne zamanda Shaýǵar dep atanǵan. Uly Jibek jolynyń boıynda, Qarataý men Syrdarııa ózenderiniń ortasynda ornalasqan ejelgi qala. Sol zamanda shaharǵa tyrnadaı tizilgen qońyraýly kerýender Batystan da, Shyǵystan da aǵylyp kelip jatatyn bolǵan. Áli kúnge deıin Túrkistanǵa keletin týrıster sany joǵary.
Túrkistan – HІІ ǵasyrda musylmandar úshin qasıetti mekenge aınaldy. HІІ ǵasyrda sopylyq ilimdi belsendi ustanýshysy Qoja Ahmet ıAsaýı osy qalada jerlendi. ıAsaýı ómirden ótken soń qabiriniń basyna úlken mazar turǵyzyldy. Mazar myńdaǵan musylmandardyń zııarat etetin ornyna aınaldy. Keseneni turǵyzýǵa uıytqy bolǵan Ámir Temir.