Túrkistan jyl sońyna deıin 100 % gazben qamtylady

TÚRKІSTAN. QazAqparat - Túrkistan qalasyn kógildir otynmen qamtamasyz etý maqsatynda jyl sońyna deıin «Eski Iqan» avtomattandyrylǵan gaz taratý stansasy iske qosylǵaly otyr.

Uqsas jańalyqtar

Energetıka mınıstri Tengizchevroil kompanııasynyń jańa bas dırektoryn qabyldady

Ómirzaq Shókeev Túrkistanda júrgizilip jatqan qurylys nysandaryn aralady Almatyda 50 myń turǵyn sapaly aýyz sýǵa qol jetkizedi 2020 jyly Qazaqstanda 109,2 mln tonna kómir óndirildi

Oblys ákimi Ómirzaq Shókeevtiń tapsyrmasyna sáıkes shahar turǵyndaryn tabıǵı gazben qamtamasyz etý boıynsha qyzý jumystar júrgizip jatyr, dep habarlaıdy Túrkistan oblysy ákiminiń baspasóz qyzmeti.

Ákimdik pen «QazTransGaz» AQ ortasynda júrgizilgen kelissózder nátıjesinde gaz qosý úshin tapsyrylatyn qujattar «QazTransGaz» AQ tarapynan 2 kúnniń ishinde qarastyrylatyn bolady.

Túrkistan oblysy ákiminiń orynbasary Meırjan Myrzalıev gazǵa qol jetkizgen turǵyndarmen kezdesti. Bul kúni Altynbekov kóshesinde ornalasqan taǵy 30 úı gazǵa qosyldy.

Qazirgi tańda Túrkistan qalasynda 52 myń abonenttiń 12 myńnan astamy tabıǵı gaz paıdalanyp otyr. Oǵan qosa 36 myń abonentke gaz qosý qoljetimdi bolyp tur. Bul kórsetkish qala turǵyndarynyń 68% quraıdy. Kúni keshe qaladaǵy Altynbekov kóshesinde taǵy 30 otbasynyń úıine tabıǵı gaz tartyldy.

Aıta keteıik, Túrkistan qalasyn gazdandyrý 11 kezeńge bólingen bolatyn. Búgingi tańda 10 kezeńniń qurylysy aıaqtalǵan. Qalǵan 1 kezeńin júzege asyrý júktelgen merdigerlik uıym «Otaý Stroı» JShS jyl sońyna deıin 2 nysannyń qurylys-montaj jumystaryn aıaqtap, paıdalanýǵa tapsyrýy tıis.