+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Túrkistan jurtshylyǵy partııanyń batyl bastamalaryna qoldaý bildirdi

2019 jylǵy 27 aqpan 18:21
Bólisińiz:
Túrkistan jurtshylyǵy partııanyń batyl bastamalaryna qoldaý bildirdi

TÚRKІSTAN. QazAqparat - Astana qalasynda ótken «Nur Otan» partııasynyń XVIII sezine Túrkistan oblysynan 80-nen astam deleget qatysyp qaıtty. Delegatsııa quramynda úkimettik emes uıym ókilderi men qoǵam qaıratkerleri, ardagerler men partııa belsendileri, aýmaqtyq fılıaldar basshylarynyń birinshi orynbasarlary bar, dep habarlaıdy QazAqparat tilshisi.

El damýyna serpin beretin mańyzdy jıynda Elbasymyz Nursultan Nazarbaev qazaqstandyqtardyń ál-aýqatyn kóterýge baǵyttalǵan tapsyrmalar men naqty josparlaryn el nazaryna usynǵany belgili. Osy rette túrkistandyqtar Astana tórinde ótken alqaly jıyn týraly óz pikirlerin bildirdi. Partııa ardageri ári qoǵam qaıratkeri Dosybaı Sherimqulovtyń aıtýynsha, bul sezdiń orny ózge jıyndardan bólek bolǵan.

«Búgingi «Nur Otan» partııasynyń kezekti sezi «Elbasynyń jańa áleýmettik doktrınasyn» usynýymen qundy. Demek, eldegi jetekshi saıası kúsh Prezıdent aıqyndaǵan strategııa sheńberinde aldaǵy on jylda on basty maqsatqa qol jetkizýi tıis. Otbasynyń baqýattylyǵy, qoljetimdi bilim, qýatty ult, ınklıýzıvti ekonomıka, damyǵan bıznes, jaıly ómir, azamattardyń múddesi - endi memlekettiń nazarynda. Sezde respýblıka bıýdjetiniń 45 paıyzy áleýmettik salaǵa jumsalatyn aıryqsha atap ótildi. Bıylǵy shildeden bastap jalaqysy tómen azamattardyń eńbek aqysyn taǵy 30 paıyzǵa ósirý jónindegi Elbasynyń tapsyrmasy talaı janǵa qýanysh syılaıtyny sózsiz»,- deıdi Dosybaı Sherimqulov.

Túrkistannan arnaıy barǵan taǵy bir delegat Juldyz Namaz Elbasynyń áleýmettik máselelerge basa mán berip, qoǵamdaǵy ózekti túıtkilderdiń sheshimin usynǵany qýantty dep otyr.

«Jastar qaýymy Otan aldyndaǵy paryzyn jaqsy túsinedi. Memleket basshysy «Men ózime senim artqan halqymnyń bolashaqta emes, qazir baqytty bolǵanyn kórgim keledi» dep aıtty. Al bul mindetti oryndaý úshin qoǵam bolyp atsalysqan jón», - deıdi. «Jas Otan» jastar qanatynyń Túrkistan oblystyq fılıalynyń tóraıymy aldaǵy ýaqytta óńirde osy baǵyttaǵy jumystar kúsheıtiletinin jetkizdi»,- dedi Juldyz Namaz.null

Sol sııaqty Túrkistan oblystyq ulttyq sport túrleri mektebiniń dırektory, bilikti bapker Ǵanı Ahmetbaev ta alqaly jıynnyń qarapaıym otbasylar úshin jaǵymdy jańalyqtarǵa toly bolǵanyn atap ótti.

«Kópbalaly otbasylarǵa jaǵdaı jasaý baǵytynda jumystar júıelenip, ár bala úshin 21 myń teńge beriletini demografııaǵa oń áserin tıgizedi. Sonymen birge kópbalaly otbasylar úshin baspana alýda tómen paıyzdar usynylýy jurtshylyqqa shattyq syılady. Nege deseńiz, elimizdegi eń ózekti másele - baspana. Partııanyń 2030 jylǵa deıingi baǵdarlamasy elimizdi jańa belesterge bastaıtyn qundy qujat dep esepteımin», - deıdi ol.

null

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT