+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Túrkistan jastary barsha Qazaqstanǵa úlgi bolýy kerek – vıtse-premer

2019 jylǵy 25 qazan 17:52
Bólisińiz:
Túrkistan jastary barsha Qazaqstanǵa úlgi bolýy kerek – vıtse-premer

TÚRKІSTAN. QazAqparat – QR Prezıdentiniń halyqqa Joldaýyn túsindirý maqsatynda Túrkistan oblysyna kelgen jumys toby óńirdegi jastarmen de kezdesý ótkizdi. Premer-Mınıstrdiń orynbasary Berdibek Saparbaev pen Aqparat jáne qoǵamdyq damý vıtse-mınıstri Danııar Esın Jastar jylynyń aıasynda atqarylyp jatqan jumstardy baıandady, dep habarlaıdy QazAqparat tilshisi.

Uqsas jańalyqtar
Qazaqstanda jańa tehnologııalar salasyndaǵy jobalardy iske asyrýǵa jaǵdaı jasalady Prezıdenttik kadr rezervi jastar úshin áleýmettik lıftige aınaldy - Erkebulan Boranbaev Muhtar Qul-Muhammed QR ІІM jáne Shekara qyzmetiniń oqý oryndarynda boldy

Jastar ortalyǵynda ótken kezdesýde Úkimet basshysynyń orynbasary joǵary jáne kolledj stýdentterine «Dıplommen aýylǵa» jáne «Serpin» baǵdarlamalarynyń múmkindikteri týraly aıtyp berdi.

«Búginde Túrkistan úlken qurylys alańyna aınaldy. Taǵy 10 jyldan keıin qala adam tanymastaı ózgerip shyǵa keledi. Bul qala sizder úshin salynyp jatyr. Sondyqtan rýhanı astananyń ókili retinde túrkistandyq jastar búkil Qazaqstanǵa úlgi bolýy tıis», - dedi ol.

Berdibek Saparbaev sonymen qatar, ońtústiktegi jastardy soltústik óńirlerge kóshirý máseleleri men onyń tıimdi joldaryn atap ótti. Ol jaqtaǵy jastarǵa birshama jaǵdaılar jasalyp jatqanyn jetkizip, jas mamandardy sonda qonys aýdarýǵa shaqyrdy. Sondaı-aq, keler jyldan bastap volonterlarǵa áleýmettik neıseler beriletinin jáne stıpendııa kólemi 30 paıyzǵa artatynyn jetkizdi. Qazaq jastarynyń bilimi men mádenıetin talapqa saı qalyptastyrý jaıyn da qamtydy.

«Bizdiń jastar shet tilderin erkin meńgergen, zaman talabyna saı bilim alǵan bolýy kerek. Sonda ol jas álemniń kez kelgen elinde jumys isteı alady. Prezıdent Joldaýda daryndy balalardy qoldaýdyń Jol kartasyn ázirleýdi tapsyrǵan bolatyn. Osyǵan oraı Úkimet «El úmiti» atty joba jasap shyqty. Joba aıasynda keler jyldan bastap Qazaqstan boıynsha eń daryndy 1 myń bala iriktelinip, memlekettiń tolyqtaı qamqorlyǵyna alynady. Olardyń otansúıgishtik tárbıesi men laıyqty ári tereń bilim alýyna jaǵdaı jasalady», - dedi vıtse-premer.

Kezdesýde jastar ózderin tolǵandyratyn máseleler jóninde suraqtaryn qoıyp, tolyqqandy jaýap aldy.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT