+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

«Túrkistan - Túrki áleminiń besigi» atty túrki elder jastarynyń sammıti ótti

2021 jylǵy 22 maýsym 15:16
Bólisińiz:
«Túrkistan - Túrki áleminiń besigi» atty túrki elder jastarynyń  sammıti ótti

TÚRKІSTAN. QazAqparat - Túrkistanda «Túrkistan - Túrki áleminiń besigi» atty túrki elder jastary men belsendileriniń Halyqaralyq sammıtiniń plenarlyq otyrysy ótti. QR Aqparat jáne qoǵamdyq damý mınıstrligi uıymdastyrǵan basqosýda «Túrkistan – Túrki áleminiń rýhanı astanasy» ıdeıasyn ilgeriletý, mádenı týrızm, birlesken jastar lagerin uıymdastyrý men jastar uıymdarynyń yntymaqtastyǵy jáne basqa da baǵyttar boıynsha yntymaqtastyq máseleleri taqylandy, dep habarlaıdy QazAqparat tilshisi.

Uqsas jańalyqtar
«Jańǵyrý joly» qozǵalysyn respýblıkalyq jastar uıymy retinde qaıta qurǵan jón - Prezıdent Aqmolalyq jastar Qazaqstannyń 30 jyldaǵy jetistikterin talqylady

Qazaqstan Respýblıkasy Táýelsizdiginiń 30 jyldyǵyna oraılastyrylǵan sammıt onlaın jáne oflaın formatta ótip, oǵan 300-den astam adam qatysty. Jıynda túrkitildes halyqtarynyń ókilderi sóz sóılep, alqaly sharanyń mańyzdylyǵyn atap ótti.

Forýmǵa Qazaqstan Respýblıkasy Parlamenti Senatynyń Tóraǵasy Máýlen Áshimbaev vıdeo-baılanys rejımi arqyly qatysyp, quttyqtaý sóz sóıledi.

Óz sózinde Máýlen Áshimbaev Túrkistannyń túrki áleminiń tarıhynda róli erekshe ekenine nazar aýdardy. Ol kóne shahardyń qaıta túleýi tutas túrki álemi úshin mańyzdy ekenin tilge tıek etip, mundaı qadam ortaq tarıhymyzdy saqtaýǵa jáne túrkitildes halyqtardyń qarym-qatynasyn odan ári nyǵaıtýǵa yqpal etetin aıtty. Senat Tóraǵasy Elbasynyń tarıhı sheshimi men Memleket basshysynyń qalanyń damýyna erekshe kóńil bólýiniń arqasynda Túrkistan sońǵy jyldary zamanaýı, kórikti qalaǵa aınalǵanyn atap ótti.

«Qazirgi tańda kóne Túrkistannyń jańa beınesi qalyptasýda. Shahardyń osyndaı jetistigi Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń jasampaz sheshiminiń nátıjesi. Osydan úsh jyl buryn Elbasy Túrkistan oblysyn qurý týraly tarıhı Jarlyqqa qol qoıǵan edi. Sodan bastap qalanyń ekinshi tynysy ashyldy. Túrkistandy damytý isine Qazaqstan Respýblıkasynyń Prezıdenti Qasym-Jomart Kemeluly Toqaev basa mán berip keledi. Kóktemde ótken Túrkitildes memleketter basshylarynyń sammıtinde Túrkistannyń «Túrki áleminiń rýhanı astanasy» bolyp jarııalanýy sonyń jarqyn kórinisi», – dedi Máýlen Áshimbaev.

Jıyn barysynda Aqparat jáne qoǵamdyq damý mınıstri Aıda Balaeva sóz sóılep, búginde túrkitildes elder arasyndaǵy qarym-qatynas belsendi damyp kele jatqanyn atap ótti. Osyndaı aýqymdy jumystardyń aıasynda túrki memleketteriniń jastary arasyndaǵy yntymaqtastyqty nyǵaıtý máselesi de basty nazarda ekenin jetkizdi.

«Búgingi jastarymyzdyń ózara yntymaqtastyǵy men dostyǵy, birikken bastamalary men jobalary – bizdiń memleketter arasyndaǵy baılanysty odan ary nyǵaıtýdyń birden-bir kepili. Jastar saıasatyndaǵy yntymaqtastyqty tereń damytý qashanda basty nazarda. Bul maqsatta biz jaqynda Túrkııa memleketimen jastar saıasaty strategııalyq sessııasyn ótkizgen bolatynbyz. Nátıjesi mol jıynda eki elge ortaq ózekti máseleler qaralyp, jastardyń resýrstyq Ortalyǵy volonterlik qozǵalys, áleýmettik qoldaý salalarynda ózara tájirıbe almasý jóninde kelisimge keldik. Osyndaı strategııalyq sessııalardy qyzyǵýshylyq tanytqan barlyq túrki memleketterimen birlesip ótkizý aldaǵy josparda bar. Sonymen qatar, baýyrlas elderdiń jastaryna arnalǵan ıAsaýı atyndaǵy 50 granttyń bólinýi – bilim berý salasyndaǵy áriptestikti jańa deńgeıge kóterip, mádenı-aǵartýshylyq keńistikti keńeıtýge tyń serpin beredi dep senemin. Bul oraıda, biz túrki elderiniń jas ǵalymdaryn osy jáne basqa da ǵylymı jobalar aıasynda yntymaqtastyq ornatyp, birlese jumys atqarýǵa shaqyramyz. Bundaı qadamdar – jas ǵalymdar arqyly ǵylymı baılanysty jańa deńgeıge kóterip, ortaq tarıhymyzdyń óz elderimizde keńinen nasıattaýǵa jol ashap edi»,- dedi Aıda Balaeva.

Jıynda sonymen qatar TÚRKPA Bas hatshysy Altynbek Mamaıýsýpov pen Halyqaralyq túrki akademııasynyń prezıdenti Darhan Qydyráli jáne túrkitildes elderdiń birqatar belsendi jastary sóz sóıledi.

Aıta keteıik, aǵymdaǵy jyldyń 31 naýryzynda Qazaqstan Respýblıkasynyń Prezıdenti Qasym-Jomart Toqaevtyń tóraǵalyǵymen ótken Túrki memleketteri yntymaqtastyq keńesiniń beıresmı sammıtinde Túrkistan qalasy «Túrki áleminiń rýhanı astanasy» dep jarııalanǵan bolatyn. Sammıt barysynda Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaev bul bastama Túrkitildes memleketter arasyndaǵy yntymaqtastyqqa qosymsha serpin beretinine senim bildirgen edi. Sondaı-aq, Túrki keńesi qyzmetiniń maqsattarynyń biri túrki elderi jastarynyń yntymaqtastyǵy bolyp tabylady.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT