+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

Túrkistan turǵyndary kópqabatty úıdegi páterlerin pesh jaǵyp jylytyp otyr

2017 jylǵy 10 aqpan 23:33
Bólisińiz:
 Túrkistan turǵyndary kópqabatty úıdegi páterlerin pesh jaǵyp jylytyp otyr

ShYMKENT. QazAqparat - Túrkistan qalasynyń ortalyǵyndaǵy tutas shaǵyn aýdandy jylytatyn qazandyqtyń isten shyqqanyna shırek ǵasyrdan asqan. Sodan 20-ǵa jýyq eki qabatty úıdiń turǵyndary jylýdyń azabyn tartyp keledi, - dep habarlaıdy QazAqparat HAA tilshisi.

Burynǵy qazandyqtyń ornyna qazir turyn úı salynyp ketken. Esesine turǵyndar páterlerine pesh ornatyp, ólmestiń qamyn jasap otyr. Solardyń biri Urııat Rahımova kúndelikti tirshiligin ot jaǵýmen bastaımyn deıdi. Ár qabyn 1 myń teńgege satyp alǵan kómirdi usaqtap, shelekpen úıine tasıdy. As ishetin bólmege ornatylǵan shaǵyn peshti kúndiz-túni óshirmeıdi eken.

«Osylaısha, tańerteńnen keshke deıin ot jaǵamyz. Áıtpese, qabyrǵasy juqa úı tez sýyp ketedi. Páter sýyp ketpesi úshin peshke qarap otyramyz. áıtpese, tońyp qalýymyz múmkin. Endi bizge jylý berse, bárine rahmet aıtar edik»,-deıdi páter ıesi.

Turǵyndardyń bas aýrýyna aınalǵan bul másele 90-jyldary bastalypty. Sol ýaqyttan beri sheshimin tappaı keledi. Máseleni jergilikti bılik jaqsy biledi. Shendilerdiń sózinshe máseleni túbegeıli sheshý maqsatynda shaǵyn jylý qazandyǵyn ornatyp bermekshi bolǵan. Biraq, ol kezde jylý aqysy árbir páterge aı saıyn 10-15 myń teńgeden kelgen. Óıtkeni, qalanyń shetine salynatyn qazandyqtyń jylýyn osynda jetkizý úshin ájeptáýir shyǵyn kórinedi. Sondyqtan joba tıimsiz dep tabylypty.

«Jýyrda qalaǵa tabıǵı gaz keldi. Osynyń aıasynda aldaǵy 2-3 jyldyń ishinde bul másele túbegeıli sheshimin tabady. Qazir, jalpy, qalada jappaı gazdandyrý máselesi qolǵa alyndy. T.Bokın kóshesindegi kópqabatty úılerdi gazdandyrýdyń 2-3-shi kezeń boıynsha, 2018-2019 jyldary tolyǵymen qurylys jumystary aıaqtalady dep kútip otyrmyz. Sonda bul úılerge jylý beriledi», - deıdi Túrkistan qalalyq turǵyn-úı kommýnaldyq sharýashylyq bóliminiń basshysy Ábýtálip Asanov.
Al, oǵan deıin kópqabatty úıdiń turǵyndaryna shelekpen kómir tasyp, kúl shyǵarýlaryna týra keledi. Kúrdeli másele túbegeıli sheshilgenshe, kútýden basqa amaldary joq.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT