Túrkistan turǵyndary kópbalaly anaǵa 4 bólmeli úı syılady
2022 jylǵy 27 naýryz 02:03

Túrkistan turǵyndary kópbalaly anaǵa 4 bólmeli úı syılady

TÚRKІSTAN. QazAqparat- Túrkistanda ótken naýryzda turǵyndar kópbalaly anaǵa 4 bólmeli úı syılady, dep habarlaıdy QazAqparat tilshisi.

Núrkistan qalasynyń «Bekzat» móltekaýdanynda Naýryz merekesi toılanyp, turǵyndarlyń demeýshiligimen kópbalaly anaǵa tórt bólmeli úıdiń kilti tapsyryldy.

Merekelik dastarhan jaıylyp, qazaq estradasynyń juldyzdary Aıdar Turǵambek, Baqytjan Mustafaev án aıtsa, sportshy Ermahan Ibraımov turǵyndarǵa tilegin jetkizdi. Bekarys Shoıbekov pen Turar Tileýlıev arasynda tartysta kópshilikke kóterińki kóńil kúı syılady.

Kópshilik arqan tartysyp, aýdaryspaq oıyndarynan óz baqtaryn synady. Qoshqar kóterý men kir tasyn kóterýden kúsh ıeleri synǵa tústi.

Merekelik sharada 1 tonna naýryz kóje taratyldy.



Uqsas jańalyqtar

Jańalyqtar

Úrdis

MURAǴAT