+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Túrkistan taýlarynda 7 qar barysy júr

2019 jylǵy 2 naýryz 15:21
Bólisińiz:
Túrkistan taýlarynda 7 qar barysy júr

TÚRKІSTAN. QazAqparat - Túrkistan oblysynda búgingi tańda 7 qar barysy men 178 úndi jaırasy tirshilik etip júr. Sondaı-aq, 604 arqar men 155 buqar buǵysy, 2658 taýeshki bar. Bul týraly óńirlik kommýnıkatsııalar qyzmetinde Orman sharýashylyǵy jáne janýarlar dúnıesi aýmaqtyq ınspektsııasy basshysynyń orynbasary Baqytjan Qyryqbaı málimdedi, dep habarlaıdy QazAqparat tilshisi.

Baqytjan Qyryqbaıdyń aıtýynsha, búginde óńirdegi memlekettik orman qory 3 mln 439 myń gektardy quraıdy. Orman qoryn molaıtý jumystary maqsatynda 7 myń gektarǵa 43 tonna sekseýil tuqymyn sebilip, 720,6 gektarǵa kóshet egilgen.

«Sekseýil otynynyń tabys kózine aınalyp bara jatqandyǵyn eskerip Orman sharýashylyǵy jáne janýarlar dúnıesi komıtetiniń buıryǵymen 2017 jyldyń 1 shildesinen sekseýil súregin saýdalaýǵa tyıym salyndy. Zańǵa baǵynbaı quqyq buzýshy 12 azamatqa quzyrly organdar tarapynan ákimshilik aıyppul salyndy. Bul jumystar bıylǵy jyly da jalǵasýda», - dedi aýmaqtyq ınspektsııa basshysynyń orynbasary.

Budan ózge, oblystaǵy ańshylyq alqaptardyń jalpy aýmaǵy 6 mln 744 myń gektardy qurap, onyń 6 mln 552 myń gektary ańshylyq paıdalanýshyǵa bekitilgen. Alaıda qoldanystaǵy zańnamalardaǵy ózgeristerge sáıkes, parkter aýmaǵynda aý aýlaýǵa 2017 jyldan bastap túpkilikti tyıym salynǵan. Degenmen janýalar dúnıesin arttyrý maqsatynda búgingi tańda oblysta jek dýadaqty jasandy jolmen ósirýge arnalǵan tuqymbaq ashylǵan. Báıdibek aýdany aýmaǵyndaǵy 1000 ga aýmaqqa qoldan ósirilgen 3995 bas jek dýadaq qustary BAÁ-den ákelindi. Onyń 2495 basy Qyzylqum men Moıynqumǵa erkindikke jiberilse, qalǵan 1500 bas jek dýadaq qusy analyq bastyń sanyn arttyrý maqsatynda Báıdibek aýdanynda ornalasqan arnaıy tuqymbaqqa ornalastyryldy.

Sonymen qatar, arnaıy júrgizilgen tekserýler men tabıǵat qorǵaý is-sharalary nátıjesinde 329 quqyqbuzýshylyq anyqtaldy. Onyń 223-i balyq, 68-i ańshylyq jáne 38-i orman sharýashylyǵy, EQTA boıynsha bolyp otyr.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT