+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Túrkistan oblysynyń Otyrar aýdanynda ulttyq oıyndardan jarys ótti

2019 jylǵy 21 qarasha 12:10
Bólisińiz:
Túrkistan oblysynyń Otyrar aýdanynda ulttyq oıyndardan jarys ótti

OTYRAR. QazAqparat - Túrkistan oblysy, Otyrar aýdanynda kókpardan aýdan ákiminiń júldesi úshin jastar arasynda oblystyq ashyq týrnır ótti, dep habarlaıdy QazAqparat tilshisi.

Uqsas jańalyqtar
Qazaqstanda tuńǵysh ret qusbegilerdiń «Bessaıys» básekesi ótti Ulttyq sport túrlerinen Qazaqstannyń V festıvali jalaýyn kóterdi Aqmola oblysynda ulttyq sport túrlerinen respýblıkalyq jarys ótti

Ulttyq oıyndy jurtshylyq arasynda keńinen nasıhattap, salaýatty ómir saltyna aınaldyrý maqsatynda uıymdastyrylǵan sharany aýdan ákimdigi men Ulttyq at sporty federatsııasy ótkizdi.

Sporttyq sharanyń ashylý saltanaty qyz qýý men teńge ilýden kórsetilimdik kórinisterden bastaldy. Bıyl úshinshi márte jalaýyn jelbiretip otyrǵan dúbirli dodaǵa Qazyǵurt jáne sansyz babtar mekeni Saıram aýdandarynan shabandozdar qatysty. Al, kókparǵa aýdannyń atynan eki birdeı komanda qatysyp, myqtylyqtaryn kórsetti. Shabandozdar dodasyna aýdan ákimi Ábdiǵanı Júnisov qatysyp, komandalarǵa sáttilik tiledi. «Halqymyzdyń ulttyq oıyny retinde atadan balaǵa jalǵasyp kele jatqan delebeni qozdyryp,qandy qyzdyratyn kókpar Elbasymyzdyń «Bolashaqqa baǵdar: rýhanı jańǵyrý« jáne «Uly dalanyń jeti qyry« atty baǵdarlamalyq maqalalarynda aıtylǵan rýhanı qundylyqtyń biregeıi, ata-babalarymyzdan mura bolyp, búgingi kúnge ulttyq qundylyqtarymyzdyń biri retinde jetken, taqymy myqty shabandozdarymyzdy tózimdilikke, qaısarlyqqa baýlıtyn, jigerin janıtyn, at qulaǵynda oınaıtyn eptilikti úıretetin biregeı ulttyq sport túri eken belgili», - dedi aýdan ákimi. Sondaı-aq Ulttyq at sporty federatsııasynyń oblystyq jáne aýdandyq fılıal basshylary Nurmahan Joldasov pen Tóre Aqjigitter de jyly lebizderin bildirdi. Komandalyq saıysta Otyrar aýdanynyń birinshi komandasy júldeli úshishi oryndy ıelense, aqtyq saıysta joldary túıisken Saıram jáne Qazyǵurt aýdandarynyń ókilderi tartysty kezdesý ótkizdi. Nátıjesinde Saıram aýdanynyń komandasy jeńimpaz atanyp, ákim kýbogin qanjyǵalaryna baılady. Jarysqa qatysýshylarǵa aýdan ákiminiń orynbasary Perdehan Japparqulov alǵys hatttar men qarjylaı syı-sııapattar tapsyrdy. Ulttyq sportty damytýǵa baǵyttalǵan mundaı taǵylymy mol, ıgilikti sharalar aldaǵy ýaqyttarda da óz jalǵasyn tabatyn boldy.





Bizdiń kanalymyzǵa jazylyńyz:

Basty sózder: Túrkistan oblysy, Sport, Aımaq,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT