+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Túrkistan oblysynyń Keles aýdany aýyzsýǵa qol jetkizdi

2019 jylǵy 16 jeltoqsan 10:00
Bólisińiz:
Túrkistan oblysynyń Keles aýdany aýyzsýǵa qol jetkizdi

TÚRKІSTAN. QazAqparat – Táýelsizdik kúni merekesi qarsańynda Túrkistan oblysynyń Keles aýdanynda 7 nysan paıdalanýǵa berildi. Aýdan ortalyǵynan shalǵaı ornalasqan Bozaı aýyldyq okrýginiń Tenteksaı eldi mekenine sý qubyrlary tartylyp, jergilikti halyq taza aýyzsýǵa qol jetkizdi, dep habarlaıdy QazAqparat tilshisi.

Tenteksaı aýyly turǵyndarynyń qýanyshty sátimen bólisýge kelgen aýdan ákimi Aqmentaı Esbaev kele jatqan merekemen quttyqtap, sý stantsııasynyń ashylý saltanatynyń lentasyn qıdy. Jurtshylyqqa jyly lebizin bildirip, ulyq merekeniń mańyzdylyǵyna toqtaldy.

«Elimiz táýelsizdik alǵan alǵashqy jyldardaǵy el ekonomıkasynyń álsiz tusynan, búgingi tańdaǵy múmkindikter júıesine jetkizgen Tuńǵysh Prezıdent-Elbasy N.Nazarbaevtyń eren eńbegin el joǵary baǵalaıtyny haq. Eldegi júıeli jumystardyń arqasynda 625 halyq pen 85 úı qonystanǵan Tenteksaı eldi mekeni de sapaly aýyzsýmen qamtyldy. Odan bólek, munda halyqqa qyzmet kórsetý úshin arnaıy medıtsınalyq pýnkt, bilim oshaǵy, sonymen qatar meshit ornalasqan. Aldaǵy ýaqytta aýyl turǵyndarynyń turmystyq jaǵdaıyn jaqsartýǵa júıeli jumystar atqarylatyn bolady», - dedi Aqmentaı Esbaev.

Bul kúni aýdan basshysy sondaı-aq, Bozaı aýyldyq okrýgi ákimshilik ǵımaratynyń ashylý saltanatyna qatysty. Bıylǵy jyly aýdan ákiminiń bastamasymen qurylysy bastalǵan ǵımarat mereke qarsańynda paıdalanýǵa berilip otyr. Basty maqsat - aýyldyq okrýgte isteıtin mamandarǵa jaǵdaı jasap, sol arqyly halyqtyń ál-aýqatyn kóterý jolyndaǵy tapsyrmalardy múltiksiz oryndaýdy talap etý bolmaq. «Bıylǵy jyldyń ózinde aýdan boıynsha 7 aýyldyq okrýgtiń ǵımarttary jóndeýden ótti. Oǵan qosa, kelesi jyldyń basynan ár aýyldyq okrýgtiń qyzmetkerlerin jańa kompıýterlik jabdyqtarmen qamtamasyz etý josparlanǵan. Sol arqyly halyqqa múltiksiz qyzmet kórsetýge múmkindikter týatyn bolady», - dedi Keles aýdanynyń ákimi. Budan bólek, aýdandaǵy Oshaqty aýyldyq okrýginiń 3 eldi mekenine joǵary kerneýli elektr baǵanalary ornatylyp, qýattylyǵy artty. Endi Saryjylǵa, Baqshysaı jáne Jıdeli eldi mekenderiniń turǵyndary elektr jaryǵyn toqtaýsyz ári qajetti kólemde paıdalanatyn bolady. Al, Ushqyn aýyldyq okrýginde Qoralas jáne Dostyq eldi mekenderinde aýyz sý berildi. Buǵan deıin tirshilik nárin tasyp ishken halyq oblys basshylary men aýdan ákimine zor rızashylyqtaryn bildirdi.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT