+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Túrkistan oblysynyń dárigerleri operatsııanyń jańa túrin oılap tapty

2020 jylǵy 23 qazan 02:41
Bólisińiz:
Túrkistan oblysynyń dárigerleri operatsııanyń jańa túrin oılap tapty

TÚRKІSTAN. QazAqparat - Túrkistan oblysynyń dárigerleri júkti áıelderdiń bosaný nemese odan keıingi kezeńde qan ketýin ýaqytsha toqtatýdyń jańa ádisin oılap tapty, dep habarlaıdy QazAqparat oblys ákiminiń baspasóz qyzmetine silteme jasap.

Uqsas jańalyqtar
Kókshetaýda 80 medıtsına qyzmetkeri koronavırýs juqtyrǵan Aqmola oblysynda dári – dármekpen qamtamasyz etý jumystary qatań baqylaýda Almaty qalasynyń densaýlyq saqtaý júıesi naýqastardy qabyldaýǵa daıyn - Baqytjan Saǵyntaev

Otanyń biregeı ádisin engizgen úzdikter QR Ulttyq zııatkerlik menshik ınstıtýtynyń patentine ıe boldy.

Operatsııanyń bul túrin 1,5 jyl boıy zerttegen topqa Túrkistan qalasyndaǵy №3 perınataldy ortalyǵynyń bas dárigeri, onkogınekolog Nurjan Mahmýdov basshylyq etken.

Medıtsına salasynda 33 jyl qyzmet atqaryp júrgen bilikti dárigerdiń aıtýynsha, otanyń jańa tásili dúnıejúzi boıynsha alǵash ret qoldanysqa engizilýde.

«Júkti áıelder arasynda sábıdiń platsentadan ajyraýy - jıi kezdesetin asqyný. Kóp mólsherde qan joǵaltý - ana men bala ómirine de asa qaýipti jaǵdaı. Jańadan oılap tapqan ádisimiz boıynsha sıstema arqyly jatyrdaǵy qan tamyrlaryn baılap, qan ketýdi ýaqytsha toqtatamyz. Bul emdik sharany ári qaraı josparlaýǵa, jedel kómek kelgenshe nemese shalǵaı aýdandarǵa bilikti hırýrg-dáriger jetkenge deıin qan joǵaltpaýǵa múmkindik beredi»,-deıdi bilikti dáriger Nurjan Talǵatbekuly.

Túrkistan oblystyq №3-shi perınataldy ortalyqtyń bilikti dárigerler quramy bul ádis boıynsha osymen 10 ret ota jasaǵan. Barlyǵy da sátti ótken.

Arnaıy sarapshy-mamandardyń tyńǵylyqty taldaýynan jan-jaqty ótken bul ádisti aldaǵy ýaqytta aımaqtaǵy áriptesterine egjeı-tegjeıli túsindirý maqsatynda arnaıy semınarlar uıymdastyryp, tájirıbe almasady.

Sonymen qatar, jatyrǵa endoskopııalyq ádispen ota jasaýdyń da jańa tásilin zerttep, halyqaralyq patentke usynýdy josparlaýda.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT