+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Túrkistan oblysynyń dárigerleri kásibı mereke qarsańynda marapattaldy

2021 jylǵy 18 maýsym 22:52
Bólisińiz:
Túrkistan oblysynyń dárigerleri kásibı mereke qarsańynda marapattaldy

TÚRKІSTAN. QazAqparat - Medıtsına qyzmetkerleri kúni qarsańynda Túrkistan oblysynyń dárigerleri marapattaldy. Oblys ákiminiń orynbasary Arman Sábıtov dárigerlerdi kásibı merekemen quttyqtap, jumysyna tabys tiledi, dep habarlaıdy QazAqparat tilshisi.

Uqsas jańalyqtar

Jıynǵa medıtsına salasynyń menedjerleri men dárigerler qatysty. Saltanatty sharada biliktiligi jáne kásibıligimen kózge túsken dárigerler «Úzdik hırýrg» nomınatsııasyna - oblystyq klınıkalyq aýrýhana bas dárigeriniń hırýrgııa boıynsha orynbasary Maqsut Aımaǵambetov, «Úzdik terapevt» atalymyna - Baǵıla Tashtaeva ıe boldy.

«Úzdik akýsher-gınekolog» №1 oblystyq perınataldyq ortalyǵynyń akýsher-gınekolog dáriger Abdysattar Dúısenov bolsa, «Úzdik pedıatr» Baqyt Esirkepova jáne Tólebı aýdandyq aýrýhanasynyń dárigeri Lola Shansharova «Úzdik jalpy tájirıbe dárigeri» atandy.

Sondaı-aq, «Úzdik medıtsına mekemesi» Túrkistan oblystyq balalar aýrýhanasy dep tanyldy.

«Búginde búkil el ustamdylyqty talap etetin kúrdeli kezeńdi bastan keshýde. COVID-19 indetiniń taralýy tek densaýlyq saqtaý júıesiniń ǵana emes, eldiń ekonomıkalyq jáne adamı resýrstarynyń da beriktigin synaýda. Deıturǵanmen, biz qıyn kezeńdi eńserdik», – deıdi oblys ákiminiń orynbasary Arman Sábıtov.

Aıta keteıik, aımaqta búginde jalpy 23 429 medıtsına qyzmetkeri bar. Onyń 5000-nan astamy - dárigerler, qalǵany - orta býyn mamandary.

Aq halatty abzal jandardyń eren eńbeginiń arqasynda óńirde qaýipti indetti juqtyrǵan 6 324 naýqas tolyq jazylyp shyqqan.

Dárigerlerdiń erligi memleket tarapynan laıyqty baǵalanýda.

Byltyr erekshe eńbegimen kózge túsken birqatar medıtsına qyzmetkeri Memleket basshysynyń sheshimimen «Halyq alǵysy» medalimen marapattaldy.

Sondaı-aq, medıtsına qyzmetkerleriniń jalaqysy 30%-ǵa kóbeıip, dárigerlerdiń ortasha jalaqysy 271 myń teńgege, al orta medıtsınalyq qyzmetkerler jalaqysy 162 myń teńgege deıin ósken.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT