+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Túrkistan oblysynyń blokbeketterindegi vıdeokameralar Sıtýatsııalyq ortalyqqa qosylǵan

2020 jylǵy 29 naýryz 03:23
Bólisińiz:
Túrkistan oblysynyń blokbeketterindegi vıdeokameralar Sıtýatsııalyq ortalyqqa qosylǵan

TÚRKІSTAN. QazAqparat – Túrkistan oblysy aýmaǵynda ornalasqan beketterdegi baqylaý kameralary sıtýatsııalyq ortalyqqa qosylǵan. Oblys ákimdigi tarapynan qurylǵan ortalyqta shtab músheleri táýlik boıy jumys atqarýda, dep habarlaıdy QazAqparat tilshisi.

Búkil álemdi úreıge boı aldyrtqan pandemııa kúre joldarda qaýipsizdik sharalaryn kúsheıtýdi májbúr etti. Búginde Túrkistan qalasyna kireberistegi Yntymaq, Kentaý, Sháýildir, Baltakól blokbeketterinde jáne Temirjol vokzalyndaǵy baqylaý-ótkizý beketterinde 15 beınebaqylaý kameralary ornatylǵan. Olardyń árqaısysyna «Sergek» kameralary qosylyp, barlyq beınejazbalar 30 kún boıy saqtalady.


Budan bólek 2 beınebaqylaý kamerasynda avtokólikterdiń memlekettik tirkeý nómirlerin taný júıesi bar. Ásirese, Nur-Sultan, Almaty jáne sheteldik nómirli kólikterdi tirkeýge alý boıynsha qaýipsizdik sharalary kúsheıtilgen. Onda polıtsııa qyzmetkerleri men dárigerler, jedel-járdem jáne tótenshe jaǵdaı qyzmetkerleri táýlik boıy qyzmet etýde. Aımaqta qaýipti ınfektsııanyń taralýyna jol bermeý boıynsha barlyq qajetti medıtsınalyq, profılaktıkalyq jáne uıymdastyrý sharalary qabyldanǵan. Túrkistan qalalyq emhanasynyń mamandary bolsa azamattardyń dene qyzýyn tekserip, dárigerlik baqylaýdan ótkizip jatyr. Ázirge óńirde aýrýǵa kúdikti retine eshkim tirkelgen joq.


Aıta keteıik, blok-posttardan bir táýlikte eki myńnan astam adam ótedi. El amandyǵy úshin táýlik boıy jumys istep júrgen qyzmetkerler úshin múmkindiginshe barlyq jaǵdaı jasalǵan. Beket basyna aýyz sý men jaryq jetkizilip, shatyrly palatqalar qurylǵan. Koronavırýs indetiniń aldyn alý maqsatynda sondaı-aq, qaladaǵy qoǵamdyq oryndarda saqtyq sharalary qatań baqylaýǵa alynǵan. Jalpy, oblys ákimdiginiń uıymdastyrýmen turǵyndar saýaldaryna shuǵyl jaýap berý úshin arnaıy Call–ortalyq jumys isteıdi. Call – ortalyq 109 nómiri arqyly táýlik boıy 24/7 formatta qońyraýlar qabyldaýda. Infektsııanyń aldyn alý jáne onymen kúres boıynsha barlyq málimetti oblys ákimdiginiń «Túrkistan COVID-19 oblystyq shuǵyl aqparat taratý shtaby» paraqshasynan bilýge bolady.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT