+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Túrkistan oblysynyń bas polıtseıi turǵyndarǵa shekteý sharalaryn túsindirdi

2020 jylǵy 4 sáýir 18:26
Bólisińiz:
Túrkistan oblysynyń bas polıtseıi turǵyndarǵa shekteý sharalaryn túsindirdi

TÚRKІSTAN. QazAqparat – Túrkistan oblystyq Polıtsııa departamentiniń bastyǵy Qaırat Dálbekov blokposttarda oblys aýmaǵyndaǵy shekteýler jaıly turǵyndarǵa túsindirme jumystaryn júrgizdi. Aýdan turǵyndaryna shekteý sharalaryna túsinistikpen qaraýǵa, tótenshe jaǵdaı talaptaryn qatań saqtaýǵa jáne asa qajetsiz úıden shyqpaýǵa shaqyrdy, dep habarlaıdy QazAqparat tilshisi.

Búginde óńirdegi barlyq jeke quramy kúsheıtilgen qyzmetke kóshken. Koronavırýstyq ınfektsııanyń aldyn alý maqsatynda oblysta 76 blok-post qoıylyp, onda táýlik boıy dárigerler men polıtseıler qyzmet atqarýda. Onyń ishinde eki blok-post respýblıkalyq mańyzy bar avtojoldarda ashylǵan. Polıtsııa qyzmetkerleri avtokólik aǵynyn, al medıtsına salasynyń mamandary júrgizýshiler men jolaýshylardyń densaýlyǵyn tekserýde. Jetisaı aýdanynyń ortalyǵynda, Jańaaýyl men Jylysý aýyldyq okrýgterinde Ábdiqalyq jáne Baıqonys aýyldarynyń janynda koronavırýstyń taralý oshaqtarynyń anyqtalýyna baılanysty, karantın engizilip, Jetisaı polıtsııa bóliminiń qyzmetkerlerinen 14 blok beketteri qoıylǵan.

«Polıtsııa qyzmetkerleri tótenshe jaǵdaı rejımin buzýǵa jol bermeýge, oblys aýmaǵynda qoǵamdyq tártipti buzǵan jaǵdaıda azamattardy jaýapkershilikke tartýǵa, qylmysqa jol bermeýge jáne halyqtyń qaýipsizdigin qamtamasyz etýge baqylaý jasaıdy. Tótenshe jaǵdaı engizilgennen beri oblys polıtseıleri 84 tótenshe jaǵdaı rejımin buzýshylyqty anyqtady, azamattar QR ÁQBtK-niń 476-babyna sáıkes «tótenshe jaǵdaı rejımin buzý« boıynsha ákimshilik jaýapkershilikke tartyldy, onyń ishinde 26-sy ákimshilik tártipte qamaýǵa alyndy», -dedi Túrkistan oblysy Polıtsııa departamentiniń bastyǵy, polıtsııa general - maıory Qaırat Dálbekov.


Búginde aımaqtaǵy polıtseıler jalǵan aqparat taratýdyń 9 jaıtyn anyqtady. Olardyń barlyǵy der kezinde ashylyp, kúdikti adamdar anyqtalyp, QR QK-niń 274-baby boıynsha jaýapkershilikke tartylǵan. Óńirdiń bas sanıtarlyq dárigeriniń qaýlysy boıynsha, shekteý sharalary kúsheıtilgen. Qalaaralyq jolaýshylar tasymaly jáne avtovokzaldar, avtostantsııalar men temirjol vokzaldarynyń qyzmeti ýaqytsha toqtatylǵan. Dezınfektsııalaý rejımi kúsheıtilip, qalaaralyq avtotransporttardyń jumys ýaqyty saǵat 6.00-den 20.00-ge deıin shektelgen. Sonymen qatar bazarlardyń jumys ýaqyty saǵat 9.00-den 17.00-ge deıin, qoǵamdyq tamaqtaný nysandary tek úıge tapsyrys berý arqyly saǵat 8.00-den 20.00 aralyǵynda jumys isteýde. Budan ózge oblys turǵyndary men qonaqtary únemi qorǵanysh betperdesin kııýge mindettelip, 65 jastan asqan azamattarǵa ózin-ózi oqshaýlaý rejımin saqtaý qajettigi eskertilgen.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT