Túrkistan oblysynyń bas polıtseıi 158 azamatty qabyldady

TÚRKІSTAN. QazAqparat – Túrkistan oblysynda Prezıdenttiń «Halyq únine qulaq asatyn memleket» tujyrymdamasyna kóshýdegi mindetterdi júzege asyrý maqsatynda «Azamattardy qabyldaýdyń biryńǵaı kúni» uıymdastyryldy, dep habarlaıdy QazAqparat tilshisi.

Uqsas jańalyqtar

Aqmola oblysynda polıtsııa 9 saǵat jolda qalǵan qostanaılyqtarǵa kómektesti

Kólik polıtseıleri jolaýshylardyń mazasyn alǵan júrgizýshilerdi jaýapqa tartyp jatyr Jelide polıtsııaǵa shabýyldaǵan er adamnyń vıdeosy qyzý talqylanyp jatyr Aqmola oblysynyń polıtseıleri boranda jolda qalǵan adamdarǵa kómektesti

Atalǵan shara aıasynda oblystyq polıtsııa departamentiniń bastyǵy, polıtsııa general-maıory Qaırat Dálbekov qabyldaýǵa aldyn ala jazylǵan turǵyndarmen «ZOOM» platformasy arqyly tildesti.

Turǵyndardyń máselesin sheshý maqsatynda josparlanǵan sharaǵa departament bastyǵynan bólek orynbasarlary men polıtsııa basqarma, bólimderiniń basshylary qatysty.

Qabyldaýǵa jazylǵan azamattardyń bir bóligi tikeleı efır arqyly aryz-shaǵymyn jetkizse, endi birqatary tergeýshilerdiń tııanaqty jumysyna alǵys aıtty.

Arasynda ishki ister organyna qyzmetke ornalasý boıynsha óz saýalyn joldaǵandar da boldy.

Departament bastyǵy azamattardyń máselesine mán berip, tıisti sala basshylaryna tapsyrmalar júktedi. ıAǵnı, aldaǵy ýaqytta turǵyndar tarapynan túsken árbir saýal boıynsha júıeli jumystar júrgiziletin boldy.

«Polıtsııa halyqqa qoljetimdi bolýy tıis. Ásirese jurtqa jaqyn bolýda ýchaskelik polıtseılerge artylar júk az emes. Olar árdaıym óz aýmaǵyndaǵy azamattardyń aryz-shaǵymyna den qoıyp, qylmystardyń aldyn alý jumystaryn júrgizip otyrýy kerek»,-dedi Qaırat Dálbekov.

Aıta keteıik, jyl basynan beri óńirdiń bas polıtseıi 158 adamdy qabyldaǵan bolatyn. Onyń ishinde 69 turǵynǵa onlaın rejımde jaýap berdi.

Olardan túsken suraqtardyń basym bóligi óz merziminde sheshimin tapqan.