+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Túrkistan oblysyndaǵy Úkasha ata kesenesinde mýzeı ashyldy

2019 jylǵy 13 qarasha 16:29
Bólisińiz:
Túrkistan oblysyndaǵy Úkasha ata kesenesinde mýzeı ashyldy

TÚRKІSTAN. QazAqparat – Túrkistan oblysyndaǵy Úkasha ata kesenesinde «Úkasha ata tarıhy» mýzeıi ashyldy, dep habarlaıdy QazAqparat tilshisi.

«Áziret Sultan» memlekettik tarıhı-mádenı qoryq-mýzeıiniń qaramaǵyna dinı-rýhanı eskertkish retinde tizimge alynǵan kesenedegi mýzeıge Quran kitaptar men Úkasha ataǵa qatysty ańyz áńgimeler, sýretter, shejireler qoıyldy.

Tarıhı qundylyqtar men shejireler syr shertken mýzeıdiń lentasyn «Áziret Sultan» memlekettik tarıhı-mádenı qoryq-mýzeıi dırektorynyń orynbasary Murat Tastanbekov pen Túrkistan qalasynyń Qurmetti azamaty Tolqyn Qudaıbergenuly, qalalyq aksaqaldar alqasynyń múshesi Bektas Shirkbaev qıdy.


«Tuńǵysh Prezıdentimiz - Elbasy Nursultan Ábishuly Nazarbaev: «Mýzeı eksponattary dáýirlerdiń qandaı da bir kezeńindegi ártúrli sharýashylyq salalarynyń damý úderisin kórsetedi», - dep atap ótkendeı, Úkasha ata mýzeıi de elimizde ıslam dininiń taralý kezeńinen syr shertedi.


«Áziret Sultan» qoryq-mýzeıiniń alǵa qoıǵan maqsatynyń biri - Úkasha ata kesenesinde mýzeı ashyp, tól jádigerler men tarıhyn tereńinen nasıhattaý bolatyn», - dedi qoryq-mýzeıdiń orynbasary Murat Tastanbekov.

Aıta keteıik, jańadan ashylǵan mýzeıden VІІ-ІH ǵasyrlarǵa tán qumyralar men VІІ –HІІІ ǵasyrlarǵa tán dıirmenderdi, XIX-XX ǵasyrlarǵa jatatyn mys qumǵandar men taǵy da basqa jádigerlerdi kezdestirýge bolady. Úkasha ata kesenesin qalpyna keltirip, aınalasyn abattandyrǵan alǵashqy shyraqshy Kámil qary men onyń járdemshisi Atajannyń sýretteri, ólkeniń tarıhynan syr shertetin arheologııalyq jádigerler men mýzeı janashyrlarynyń syıǵa tartqan kóne áshekeı buıymdary, tarıhı kitaptar qoıylǵan.

«Kámil qary men Atajan atamyz osy jerge túnep, molanyń ústine asarmen úlken kesene turǵyzǵan. Osy jerge tal egip, bulaqtyń sýymen aınalany kógertipti. Ol 1947 jyldyń basy bolatyn. Biz de kómek berip, atalarymyzǵa qolǵabys jasaǵanymyz esimde. Kómekke kóp adamdar keldi. Attyly, jaıaýly adamdar qona jatyp, kómektesip, ári zııarat jasaıtyn», - deıdi Kámil qarynyń urpaǵy Tolqyn Qudaıbergenuly.

Mýzeıdiń ashylý saltanatynda Úkasha sahaba ómir súrgen kezeńnen kórinis beretin qundy jádigerlerdi Aqtaý, Almaty, Qostanaı óńirinen kelgen zııaratshylar da tamashalady.




Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT