+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Túrkistan oblysyndaǵy medıtsınalyq mekemelerge kórsetilgen qyzmetteri úshin 20,3 mlrd teńge tólengen

2020 jylǵy 26 qarasha 05:31
Bólisińiz:
Túrkistan oblysyndaǵy medıtsınalyq mekemelerge kórsetilgen qyzmetteri úshin 20,3 mlrd teńge tólengen

TÚRKІSTAN. QazAqparat – Medıtsınalyq saqtandyrý qory Túrkistan oblysy turǵyndaryna MÁMS paketi sheńberinde kórsetilgen qyzmetter úshin 20,3 mlrd teńgege jýyq qarjy tólegen. Bul týraly «Áleýmettik medıtsınalyq saqtandyrý qory» KEAQ Túrkistan oblysy boıynsha fılıaly dırektorynyń orynbasary Janserik Esimov málimdedi, dep habarlaıdy QazAqparat tilshisi.

Uqsas jańalyqtar
Azamattar 42500 teńge alǵan aıda medsaqtandyrý qoryna jarna tóleýge mindetti emes – ÁMSQ 2020 jyly turǵyndardyń 720 myń ótinishi qaraldy – Bolat Tókejanov Koronavırýspen kúreske MÁMS júıesinen 187 mlrd-tan astam teńge bólingen

Janserik Esimovtyń aıtýynsha, tólemniń basym bóligi statsıonarda kórsetilgen medıtsınalyq qyzmetterge tıesili bolǵan.

«Mindetti áleýmettik medıtsınalyq saqtandyrý júıesi engizilgen alǵashqy 9 aıda kórsetilgen medıtsınalyq qyzmet kóleminiń artqanyn ańǵarýǵa bolady. Baǵasy qymbat analızder, halyqtyń qaltasy kótere bermeıtin dıagnostıka men operatsııa túrleri jyl basynan beri saqtandyrý qory esebinen kórsetilip jatyr. Karantın kezinde saqtandyrylǵan turǵyndar baǵasy qymbat medıtsınalyq qyzmetterdi jıi paıdalanýǵa múmkindik aldy. Qarjynyń 7,1 mlrd. teńgesi halyq tarapynan úlken suranysqa ıe bolyp otyrǵan konsýltatıvtik-dıagnostıkalyq qyzmet túrlerine tólendi. Máselen, aǵymdaǵy jyldyń 9 aıynda 11 442 KT/MRT qyzmeti kórsetilgen. Oǵan 176 mln teńge tólendi. Bul ótken jyldyń osy ýaqytymen salystyrǵanda eki ese kóp. Saqtandyrylǵan turǵyndar karantın kezinde 1,3 mlrd teńgege PTR-test tapsyrdy. Sondaı-aq, Qor qarajatty profılaktıkalyq tekserýlerge, medıtsınalyq reabılıtatsııa jáne qalpyna keltirýge baǵyttalǵan em-dom úshin tóledi», – dedi Janserik Esimov.

Aıta keterligi, azamattar belgili bir medıtsınalyq qyzmet kórsetilmegen jaǵdaıda Qordyń «1406» baılanys ortalyǵyna habarlasa alady. Al ótinishter men shaǵymdardy MSQ «Qoldau 24/7» qosymshasy arqyly da qaldyrýǵa bolady.Sonymen qatar, brıfınge qatysqan Túrkistan qalalyq emhanasynyń dárigeri Aqnur Álhanova elimizde azamattardy emhanaǵa tirkeý naýqany aıaqtalǵanyn baıandady. Onyń málimdeýinshe, bıyl qyrkúıektiń 15-i men qarashanyń 15-i aralyǵynda ótetin dástúrli naýqan barysynda Túrkistan oblysynyń 30 myńnan astam turǵyny emhana aýystyrǵan. Bıylǵy tirkeý naýqany barysynda emhana aýystyrǵan azamattar jańa emdeý mekemesiniń qyzmetin 2021 jyldyń 1 qańtarynan bastap paıdalana alady.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT