+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Túrkistan oblysyndaǵy kásiporyndarda jyl basynan beri 76 adam zardap shekken

2020 jylǵy 4 jeltoqsan 21:24
Bólisińiz:
Túrkistan oblysyndaǵy kásiporyndarda jyl basynan beri 76 adam zardap shekken

TÚRKІSTAN. QazAqparat - Búgin Túrkistan oblystyq máslıhatyndaǵy «Nur Otan» partııasynyń depýtattyq fraktsııasy óńirimizdegi kásipodaqtar aktıviniń múshelerimen kezdesti.

Uqsas jańalyqtar
Úsh oblys aýmaǵyndaǵy birqatar jol jabyldy Túrkistanda nesıege beriletin úıler boıynsha aqparattyq ortalyq ashyldy Túrkistan oblysynyń aýmaǵynda karantın men shekteý sharalary uzartyldy

Otyrys barysynda óńir azamattarynyń eńbek quqyqtary men áleýmettik qorǵalý jaıy talqylandy, dep habarlaıdy QazAqparat Túrkistan oblysynyń Óńirlik kommýnıkatsııalar qyzmetine silteme jasap.

Azamattardyń eńbek quqyqtary týraly Túrkistan oblysynyń eńbek ınspektsııasy jónindegi basqarma basshysy Berik Ibadýllaev baıandama jasady.

Onyń aıtýynsha, bıylǵy jyldyń 11 aıynda basqarma tarapynan 925 azamattyń aryz-shaǵymy qaralyp, olardyń barlyǵyna zańmen belgilengen merzimde jaýap berilgen. Osy aryzdardyń negizinde mekemeler men kásiporyndarda barlyǵy 247 tekserý júrgizilip, 260 zańbuzýshylyq anyqtalypty. Anyqtalǵan zań buzýshylyqtardyń ishinde 247-si joıylyp, zańǵa sáıkestendirilgen. Sondaı-aq eńbek zańnamasynyń buzylýy boıynsha 2 598 660 teńge kóleminde 41 aıyppul salynǵan. Onyń ishinde «eskertý» túrinde 17 ákimshilik is qozǵalypty.

«Bıyl qańtar-qarasha aılarynda oblys mekemeleri men kásiporyndarynda jalaqyny zańmen belgilengen merzimnen keshiktirip tólegen 6 jaǵdaı anyqtaldy. Osyǵan baılanysty jumys berýshilerge nusqamalar berilip, 553 695 teńge kóleminde 6 ákimshilik aıyppul salyndy. Búgingi tańda 2019 jyldan qordalanǵan jáne ótpeli jalaqy qaryzy bar 2 kásiporynda 21 jumysker aldynda 41,5 mln. teńge jalaqy qaryzy qalyp otyr», – dedi Berik Serikbaıuly.


Oblys kásiporyndarynda 2020 jyldyń 11 aıynda 53 jazataıym oqıǵa bolyp, 76 adam zardap shekken.

Otyrys barysynda basqarma basshysyna saýaldar qoıylyp, naqty jaýaptar alyndy. Óz kezeginde sóz alǵan oblystyq máslıhat depýtaty, fraktsııa múshesi Qaınar Abasov pen «Nur Otan» partııasy fraktsııasynyń jetekshisi Murat Tóltebaev azamattardyń eńbek quqyqtary men áleýmettik qorǵalý jaıy jóninde óz usynystaryn jetkizdi. Ásirese, pandemııa kezinde jappaı jumyssyzdyqty boldyrmaý, jumysshylardyń quqyqtary men eńbek sharttarynyń buzylmaýyn qadaǵalaý, qoǵamdyq jumyspen qamtýǵa bólingen qarjylardyń maqsatty jumsalýyna monıtorıng júrgizý qajettigine toqtaldy.

Májilisti qorytqan «Nur Otan» partııasy Túrkistan oblystyq fılaly tóraǵasynyń birinshi orynbasary Beısen Tájibaev eńbek ınspektsııasy jónindegi basqarmaǵa jalaqysyn ala almaı júrgen azamattardyń ótinishin der kezinde qaraýǵa mán berýge shaqyrdy.

«Pandemııa kezeńinde qanshama óńir turǵyndary tabyssyz qaldy. Osyny eskere otyryp, bıyl partııanyń «Birgemiz» qory arqyly Túrkistan, Kentaý qalalary men oblys aýdandarynyń áleýmettik az qamtylǵan 38 myńnan astam otbasyna 50 myń teńge kóleminde kómek kórsetildi. Degenmen bul qoldaýlar áli de bolsa, jetkiliksiz ekeni daýsyz. Sondyqtan eńbek ınspektsııasy men áleýmettik salaǵa jaýapty basqarma jumyssyz qalǵan árbir turǵynnyń aryz-shaǵymdaryn der kezinde qarap, qoldaý bildirýi tıis»,– dedi.

Jıyn sońynda jaryssózge shyqqandar eńbek quqyǵyn qorǵaý maqsatynda barlyq mekemelerde kásipodaq qurý, ony mindetteý qajettigin de kóterdi. Máselen keıbir qurylys jumystarynda kásipodaqtar qurylmaǵan. Aldaǵy ýaqytta partııa fılıaly men depýtattyq fraktsııa tarapynan tıisti toptar qurylyp, bul baǵyttaǵy máseleler nazarda bolady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT